விமானத்தில் இலங்கை சிறுமியிடம் தகாத முறையில் செயற்பட்ட இந்திய பிரஜை

Bandaranaike International Airport Sri Lankan Peoples

By Dilakshan Dec 13, 2023 12:02 PM GMT

Dilakshan

in சமூகம்

Report

சவூதி அரேபியாவின் ரியாத்தில் இருந்து கட்டுநாயக்கவிற்கு வந்த விமானமொன்றில் எட்டு வயதுடைய இலங்கை சிறுமி ஒருவரை இந்திய பிரஜையொருவர் வன்புணர்வுக்கு உட்படுத்தியுள்ளார்.

குறித்த சம்பவமானது, இன்று காலை 07.20 மணியளவில் சவூதி அரேபியாவின் ரியாத்தில் இருந்து கட்டுநாயக்க விமான நிலையத்தை வந்தடைந்த விமானத்திலேயே இடம்பெற்றுள்ளது.

அதன்படி, சம்பவத்துடன் தொடர்புடைய இந்திய விமானப் பயணியை விமான ஊழியர்கள் கைது செய்து கட்டுநாயக்க விமான நிலைய காவல்துறையினரிடம் ஒப்படைத்துள்ளனர்.

நீதிமன்றில் முன்னிலை

அத்தோடு, வன்புணர்வுக்கு உள்ளான சிறுமி மருத்துவ பரிசோதனைக்காக கட்டுநாயக்க விமான நிலைய காவல்துறையினால் நீர்கொழும்பு பொது வைத்தியசாலைக்கு அனுப்பி வைக்கப்பட்டுள்ளனர்.

விமானத்தில் இலங்கை சிறுமியிடம் தகாத முறையில் செயற்பட்ட இந்திய பிரஜை | Sri Lankan Girl Raped Indian Citizen On Plane

சவூதி அரேபியாவில் பணிபுரியும் தனது தந்தையைப் பார்த்துவிட்டுத் திரும்பிக் கொண்டிருந்த விமானத்தில் அவிசாவளை - கெடஹெத்த பகுதியை சேர்ந்த ஒரு தாயும் அவரது இரண்டு சிறுமிகளும் பயணித்துள்ளனர்.

அவர்களில், 08 வயது 10 மாத வயதுடைய சிறுமி இந்த இந்தியரால் வன்புணர்விற்கு ஆளான நிலையில், இது குறித்து விமான நிறுவன ஊழியர்களிடம் முறைப்பாடு செய்ய இந்த தாய் நடவடிக்கை எடுத்துள்ளார்.

இந்நிலையில், கைது செய்யப்பட்ட இந்திய பிரஜை கொழும்பு நீதவான் நீதிமன்றத்தில் முன்னிலைப்படுத்தவுள்ளதாக தெரிவிக்கப்பட்டுள்ளது.