வாழ்வில் மறக்க முடியாத நாள்: ரசிகர்களுக்கு யாழ். வீரர் வியாஸ்காந்தின் நெகிழ்ச்சி பதிவு

Jaffna Cricket TATA IPL Indian Cricket Team IPL 2024

By Thulsi May 09, 2024 05:18 AM GMT

Thulsi

in விளையாட்டு

Report

யாழ்ப்பாணத்தை (Jaffna) சேர்ந்த விஜயகாந்த் வியாஸ்காந்த் (Vijayakanth Viyashkanth) சன்ரைசர்ஸ் அணி சார்பாக தனது முதலாவது ஐபிஎல் போட்டியில் நேற்றைய தினம் களமிறங்கியுள்ளார்.

ஐபிஎல் தொடரில் முதன் முறையாக விளையாடிய விஜயகாந்த் வியாஸ்காந்த் தனக்கு ஆதரவளித்த அனைத்து ரசிகர்களுக்கும் நன்றி தெரிவித்துள்ளார்.

ஆட்டத்தின் முடிவில் தனது முகப்புத்தக பதிவில் குறித்த விடயத்தை வியாஸ்காந்த் தெரிவித்துள்ளார்.

எல்லையற்ற நன்றி

அந்த பதிவில் அவர் மேலும் குறிப்பிடுகையில், என்னுடைய அனைத்து உறவுகளுக்கும் எனது மனமார்ந்த நன்றிகள். இன்று என் வாழ்வில் மறக்க முடியாத நாள். நீங்கள் அனைவரும் என் பக்கத்தில் நிற்பது மிகவும் மகிழ்ச்சியாக உள்ளது.

வாழ்வில் மறக்க முடியாத நாள்: ரசிகர்களுக்கு யாழ். வீரர் வியாஸ்காந்தின் நெகிழ்ச்சி பதிவு | Sri Lankan Leg Spinner Vyaskanth Debut Shr In Ipl

இந்த ஆதரவை நான் என்றும் மறக்க மாட்டேன். இந்த வாய்ப்பை வழங்கிய சன்றைசஸ் அணிக்கு எனது நன்றி.

மீண்டும் ஒருமுறை அனைவருக்கும் எனது எல்லையற்ற நன்றியைத் தெரிவிக்க கடமைப்பட்டுள்ளேன் என பதிவிட்டுள்ளார்.

சன்ரைசர்ஸ் அணியில் (Sunrisers Hyderabad) இடம்பெற்றிருந்த வனிந்து ஹசரங்க காயம் காரணமாக தொடரின் ஆரம்பத்திலேயே வெளியேறியிருந்தார். இதனையடுத்து, அவருக்கு பதிலாக மாற்று வீரராக வியாஸ்காந்த் சன்ரைசர்ஸ் அணியில் இணைந்துள்ளமை குறிப்பிடத்தக்கது.