ரணிலின் இல்லத்திற்கு தீ வைக்கப்பட்ட சம்பவம்! அரகலயவின் பின்னணியில் தொடுக்கப்பட்ட வழக்கிலிருந்து 6 பேர் விடுதலை
முன்னாள் ஜனாதிபதி ரணில் விக்ரமசிங்கவின் தனிப்பட்ட இல்லத்திற்கு தீ வைக்கப்பட்ட சம்பவம் தொடர்பான வழக்கில் சமூக செயற்பாட்டாளர் பியத் நிகேஷலா, முன்னாள் நாடாளுமன்ற உறுப்பினர் ஜே. ஸ்ரீ ரங்கா உள்ளிட்ட 6 பேர் இன்று (07) விடுதலை செய்யப்பட்டுள்ளனர்.
சட்டமா அதிபரின் அறிவுறுத்தலின் பேரில் குறித்த சந்தேகநபர்கள் விடுவிக்கப்பட்டுள்ளனர்.
2022 மே 9ஆம் திகதி ‘அரகலய’ போராட்ட இயக்கத்தின்போது ரணில் விக்ரமசிங்கவின் தனிப்பட்ட இல்லம் தீக்கிரையாக்கப்பட்ட சம்பவம் தொடர்பிலேயே இவர்கள் சந்தேகநபர்களாக பெயரிடப்பட்டிருந்தனர்.
பியத் நிகேஷலா
இந்த வழக்கில் முன்னதாகவும் சட்டமா அதிபரின் ஆலோசனையின் அடிப்படையில் சில சந்தேகநபர்கள் விடுவிக்கப்பட்டிருந்தனர்.
இந்நிலையில், இன்று கொழும்பு கோட்டை நீதவான் பசன் அமரசேன முன்னிலையில் வழக்கு விசாரணைக்கு எடுத்துக்கொள்ளப்பட்டபோது, பியத் நிகேஷலா மற்றும் ஜே. ஸ்ரீ ரங்கா உள்ளிட்ட எஞ்சிய 6 சந்தேகநபர்களையும் விடுவிக்க சட்டமா அதிபர் அறிவுறுத்தியுள்ளதாக தெரிவிக்கப்பட்டது.
மேலும், இந்த வழக்குடன் தொடர்புடைய 29 சந்தேகநபர்களுக்கும் விதிக்கப்பட்டிருந்த வெளிநாட்டு பயணத் தடையையும் நீதிமன்றம் நீக்கியுள்ளது.
குறித்த பயணத் தடை சுமார் 29 மாதங்களாக நடைமுறையில் இருந்ததாக தெரிவிக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
