காணாமல்போன கடற்றொழிலாளர்களின் வீடுகளுக்கு விஜயம் செய்த நாடளுமன்ற உறுப்பினர்

Parliament of Sri Lanka Trincomalee Sri Lanka Fisherman

By Aadhithya May 31, 2024 01:41 PM GMT

Aadhithya

in சமூகம்

Report

திருகோணமலை (Trincomalee), சல்லி பகுதியில் இருந்து அண்மையில் கடலுக்குச் சென்ற கடற்றொழிலாளர்கள் இருவர் காணாமல்போயுள்ள நிலையில், அவர்களின் வீடுகளுக்கு இலங்கைத் தமிழரசுக் கட்சியின் நாடாளுமன்ற உறுப்பினர் சிவஞானம் சிறீதரன் (S. Shritharan) விஜயம் செய்துள்ளார்.

குறித்த விஜயத்தை இன்று (31) மேற்கொண்டு்ள்ளார்.

இந்த மாதம் 20 ஆம் திகதி சல்லி பகுதியில் இருந்து காலை 10 மணியளவில் கடலுக்குச் சென்ற கடற்றொழிலாளர்கள் இருவர் மாயமாகியிருந்தனர்.

தேடுதல் நடவடிக்கை

இந்நிலையில், சல்லி, 2 ஆம் வட்டாரத்தைச் சேர்ந்த குட்டிராசா சசிக்குமார் (வயது 45), முருகையா சுஜந்தன் (வயது 22) என்பவர்களே காணாமல்போயுள்ளனர். தேடுதல் நடவடிக்கை தொடர்கின்ற போதிலும் அவர்கள் தொடர்பான தகவல்கள் எதுவும் இதுவரையில் கிடைக்கவில்லை.

காணாமல்போன கடற்றொழிலாளர்களின் வீடுகளுக்கு விஜயம் செய்த நாடளுமன்ற உறுப்பினர் | Sridharan Visited Families Of Missing Fishermen

இந்த விடயம் தொடர்பில் அறிந்த நாடாளுமன்ற உறுப்பினர் சிறீதரன் காணாமல்போன கடற்றொழிலாளர்களின் வீடுகளுக்கு இன்று சென்று அவர்களின் குடும்பத்தினருடன் கலந்துரையாடியுள்ளார்.

மேலும், தேடுதல் நடவடிக்கைக்காக மேலும் பல உரிய தரப்புக்களுடன் பேசுவதாகவும் நாடாளுமன்ற உறுப்பினர் சிறீதரன் இதன்போது தெரிவித்தமை குறிப்பிடத்தக்கது.