யாழ்ப்பாணம் உள்ளிட்ட பகுதிகளின் காணி விடுவிப்பு - அமைச்சர் வெளியிட்ட முக்கிய அறிவிப்பு

வடக்கு மற்றும் கிழக்கு மாகாணங்களில் வனவளத் திணைக்களம் மற்றும் வனஉயிரிகள் திணைக்களத்தின் கட்டுப்பாட்டில் உள்ள சுமார் 2 இலட்சம் ஏக்கர் காணிகளை விடுவிப்பதற்கான பரிந்துரைகள் விரைவில் அமைச்சரவைக்குச் சமர்ப்பிக்கப்படவுள்ளதாக சுற்றுச்சூழல் அமைச்சர் தம்மிக்க படபெந்தி தெரிவித்தார்.

காணிகளை விடுவிப்பு உள்ளிட்ட விடயங்கள் தொடர்பில் ஆராயும் விசேட கலந்துரையாடல், சுற்றுச்சூழல் அமைச்சர் கலாநிதி தம்மிக்க படபெந்தி, பிரதி அமைச்சர் அன்ரன் ஜெயக்கொடி ஆகியோரின் பங்கேற்புடன் ஆளுநர் செயலகத்தில் நேற்று வெள்ளிக்கிழமை நடைபெற்றது.

கருத்துத் தெரிவித்த அமைச்சர் தம்மிக்க படபெந்தி, 2012ஆம் ஆண்டு புவியிடங்காட்டித் தொழில்நுட்பத்தைப் (ஜி.பி.எஸ்.) பயன்படுத்தி வடக்கு மற்றும் கிழக்கு மாகாணங்களில் பெருமளவிலான காணிகள் வனவளத் திணைக்களம் மற்றும் வனஉயிரிகள் திணைக்களத்தின் கட்டுப்பாட்டுக்குள் கொண்டுவரப்பட்டன என்று குறிப்பிட்டார்.

நாமல் ராஜபக்சவின் பிரத்தியேக செயலாளரின் வீட்டில் இரவிரவாக நடந்த சோதனை!

அவற்றில் மருத்துவமனைகள், அரச திணைக்களங்களுக்குச் சொந்தமான காணிகள் மற்றும் தனியார் காணிகளும் உள்ளடங்கியுள்ளன என்றும் அவர் தெரிவித்தார்.

இக்காணிகளை அடையாளம் கண்டு விடுவிப்பதற்காக 2025ஆம் ஆண்டு அமைச்சரவையின் அனுமதியுடன் குழுவொன்று நியமிக்கப்பட்டது என்றும், அந்தக் குழுவுக்கு ஆறு மாதங்கள் கால அவகாசம் வழங்கப்பட்டபோதும், ஓராண்டு கடந்தும் இறுதி அறிக்கை அமைச்சரவைக்குச் சமர்ப்பிக்கப்படவில்லை என்றும் அவர் தெரிவித்தார்.

சில அதிகாரிகளிடமிருந்து போதிய ஒத்துழைப்பு கிடைக்காததால் செயன்முறையை முழுமைப்படுத்துவதில் தாமதம் ஏற்பட்டுள்ளது என்றும் அவர் குறிப்பிட்டார்.

எனினும், ஆய்வுகள் நிறைவடைந்து விடுவிப்பதற்குப் பரிந்துரைக்கப்பட்ட காணிகளைக்கூட இதுவரை விடுவிக்க முடியாத நிலை காணப்படுகின்றது என்று சுட்டிக்காட்டிய அமைச்சர், வடக்கு மற்றும் கிழக்கு மாகாணங்களில் இருந்து சுமார் 2 இலட்சம் ஏக்கர் காணிகளை விடுவிப்பதற்கான பரிந்துரைகளை விரைவில் அமைச்சரவைக்குச் சமர்ப்பித்து, அதன் ஒப்புதலுடன் காணிகளை விடுவிப்பதற்கான நடவடிக்கைகள் முன்னெடுக்கப்படும் என்றும் தெரிவித்தார்.

மாத்தறை பண மோசடி விசாரணை விவகாரம்: காவல் அதிகாரியின் வாகனம் பறிமுதல்

மக்களின் வாழ்விடங்கள்

வடக்கு மாகாணத்தில் கால்நடைகளுக்கான மேய்ச்சல் நிலங்களையும் விடுவிக்கப்பட வேண்டிய காணிகளில் அடையாளம் காண வேண்டும் என்றும் அமைச்சர் குறிப்பிட்டார்.

மக்களின் வாழ்விடங்கள், வாழ்வாதாரங்கள் மற்றும் அபிவிருத்தித் தேவைகள் தொடர்பான பிரச்சினைகளுக்குத் தீர்வு காண்பதற்கும், திணைக்களங்களுக்கிடையிலான ஒருங்கிணைப்பை வலுப்படுத்துவதற்கும் உரிய நடவடிக்கைகளை முன்னெடுப்பதன் அவசியம் கலந்துரையாடலில் வலியுறுத்தப்பட்டது.

பழைய ஆவணங்களைப் பார்க்காமல் எதையும் தெரிவிக்க முடியாது: எக்னெலிகொட வழக்கில் சலே சாட்சியம்