தொண்டர் ஆசிரியர்களுக்கு நிரந்தர நியமனம் வேண்டும் : திருகோணமலையில் முன்னெடுக்கப்பட்டது போராட்டம்
கிழக்கு மாகாண தொண்டர் ஆசிரியர் சங்கத்தினரால் நிரந்தர ஆசிரியர் நியமனங்களை வழங்கக்கோரி திருகோணமலையில் கவனயீர்ப்பு போராட்டம் ஒன்று முன்னெடுக்கப்பட்டது.
அதன்படி, இன்று (01) கிழக்கு மாகாண தொண்டர் ஆசிரியர் சங்கத்தினரின் ஏற்பாட்டில் அபயபுர சந்தியில் இருந்து நடை பவனியாக பதாகைகளை ஏந்தியவாறு கிழக்கு மாகாண ஆளுநர் அலுவலகம் வரை போராட்டம் முன்னெடுக்கப்பட்டது.
அவர்கள், கடற்றொழில் அமைச்சர் டக்ளஸ் தேவானந்தாவின் படங்களை பதாகைகளாக ஏந்தியும், மூத்த அமைச்சர் டக்ளஸ் ஐயா நிரந்தர நியமனத்தை பெற்றுத் தாருங்கள் போன்ற வாசகங்களையும் ஏந்தியிருந்தனர்.
உண்ணாவிரதப் போராட்டம்
இதன் போது கருத்துரைத்த கிழக்கு மாகாண தொண்டர் ஆசிரியர் சங்கத்தின் தலைவர், "தற்போது 250 தொண்டர் ஆசிரியர்கள் பாடசாலைகளில் கற்பித்தல் நடவடிக்கையில் ஈடுபட்டு வருகின்றனர்.
இலங்கையின் வடகிழக்கு உட்பட ஒட்டுமொத்தமாக தமிழ் பேசும் ஒரு சிரேஷ்ட கடற்றொழில் அமைச்சராக டக்ளஸ் தேவானந்தா காணப்படுகிறார் இவர் எங்களுக்கான நியமனத்தை பெற்றுத் தர வேண்டும்.
கடந்த யுத்த காலங்களில் பல இன்னல்களுக்கு மத்தியில் தொண்டராசிரியர்களாக கடமையாற்றியுள்ளோம். தற்போது உண்ணாவிரதப் போராட்டம் என பல விடயங்களை செய்து வருகிறோம் எனவே எங்களுக்கான நிரந்தர ஆசிரியர் நியமனத்தை பெற்றுத்தருமாறும் கோரிக்கை விடுக்கிறோம்." என்றார்.
நிரந்தர நியமனம்
இதன்போது குறித்த கவனயீர்ப்பில் கடற்றொழில் அமைச்சரின் ஈழ மக்கள் ஜனநாயக கட்சியின் மாவட்ட இணைப்பாளர் புஷ்பராசாவும் பிரசன்னமாகியிருந்ததுடன் மஹஜர் ஒன்றும் கையளிக்கப்பட்டது.
அதனை ஏற்றுக்கொண்ட அவர் அமைச்சருக்கு அறிவித்து மஹஜரை அனுப்பி நியமனத்தை பெற்றுத்தர நடவடிக்கை எடுப்பதாகவும் தெரிவித்தார்.
இக் கவனயீர்ப்பில் சுமார் நூற்றுக்கும் மேற்பட்டவர்கள் கொழுத்தும் வெயிலிலும் நிரந்தர நியமனம் கோரி பங்குகொண்டிருந்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
யாழ் கோப்பாய் வடக்கு, Jaffna, Scarborough, Canada, Whitby, Canada
28 Jun, 2026
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
