ஜப்பானில் சிறிலங்கன் ஏர்லைன்ஸ் விமானப் பணிப்பெண் கைது!

சிறிலங்கன் ஏர்லைன்ஸ் நிறுவனத்தைச் சேர்ந்த பெண் ஊழியர் ஒருவர் ஜப்பான் காவல்துறையினரால் கைது செய்யப்பட்டுள்ளார்.

கைது செய்யப்பட்டவர் தெஹிவளைப் பகுதியைச் சேர்ந்த 23 வயதுடைய விமானப் பணிப்பெண் என தெரிவிக்கப்படுகின்றது.

ஜப்பான் நரிட்டா சர்வதேச விமான நிலையத்திற்கு (Narita International Airport) அருகில் அமைந்துள்ள ஏஓன் (Aeon) வர்த்தக வளாகத்தில் பொருட்கள் திருடிய குற்றச்சாட்டின் பேரிலேயே அவர் கைது செய்யப்பட்டுள்ளார்.

மேய்ச்சல் தரை உரிமை கோரி மட்டக்களப்பில் வெடித்த மாபெரும் மக்கள் போராட்டம்!

காட்சிப்பதிவுகள்

சம்பவம் தொடர்பில் மேலும் தெரியவருகையில்,

நரிட்டா விமான நிலையத்திற்கு அருகில் உள்ள விடுதி ஒன்றில் ஏனைய பணியாளர்களுடன் குறித்த பெண்ணும் தங்கியுள்ளார்.

இந்தநிலையில், திருடப்பட்டதாக குறிப்பிடப்படும் மேற்படி பல்பொருள் (Super market) அங்காடிக்கு அவர் சென்றுள்ளார்.

அங்கு சில பொருட்கள் திருடப்பட்டதாக தெரிவிக்கப்படுவதுடன் அச்சம்பவம் தொடர்பான காட்சிப்பதிவுகள் பாதுகாப்பு கேமராக்களில் (CCTV) பதிவாகியுள்ளது.

இதையடுத்து, அக் கடை ஊழியர்கள் ஜப்பான் காவல்துறையினருக்கு உடனடியாகத் தகவல் வழங்கியுள்ளனர்.

தீவிரமடையும் 'முரசு' சூறாவளி:கடல் கொந்தளிப்பாக இருப்பதால் கடற்றொழிலாளர்களுக்கு எச்சரிக்கை

திருட்டுச் சம்பவங்கள்

இந்தநிலையில், ஜப்பானியக் குற்றவியல் சட்டத்தின்படி விசாரணைகள் நடைபெறும் காலப்பகுதியில் சந்தேகநபர்களை அதிகபட்சமாக 21 நாட்கள் வரை (சில சட்ட விதிகளின்படி 23 நாட்கள் வரை) தடுத்து வைத்து விசாரணை செய்ய காவல்துறையினருக்கு அதிகாரமுள்ளது.

சிறிய அளவிலான திருட்டுச் சம்பவங்களுக்குக்கூட விசாரணைக்காலத்தில் பிணை (Bail) வழங்கப்படாத அளவுக்கு ஜப்பானியச் சட்டம் மிகவும் கடுமையானது என்றும், அதில் வெளிநாட்டுத் தூதரக அழுத்தங்களுக்கோ அல்லது தனிப்பட்ட செல்வாக்குகளுக்கோ எவ்வித இடமும் இல்லை என்றும் தூதரக வட்டாரங்கள் சுட்டிக்காட்டுகின்றன.

நிலைமையின் தீவிரத்தைக் கருத்தில் கொண்டு, சிறிலங்கன் ஏர்லைன்ஸ் நிறுவனத்தின் உயர் அதிகாரிகள் சிலர் ஜப்பானிய அதிகாரிகளுடன் நேரடியாகப் பேசி அவரை விடுவிக்கத் தீவிர முயற்சிகளில் ஈடுபட்டு வருவதாக தெரிவிக்கப்படுகின்றது.

இருப்பினும் இச்சம்பவம் குறித்து சிறிலங்கன் ஏர்லைன்ஸ் நிர்வாகமோ அல்லது டோக்கியோவில் உள்ள இலங்கைத் தூதரகமோ இதுவரை எவ்வித உத்தியோகபூர்வ அறிக்கையையும் வெளியிடவில்லை என்பது குறிப்பிடத்தக்கது.

அமெரிக்காவில் மின்னல் வேகத்தில் தரையில் விழுந்து விபத்துக்குள்ளான ஜெட்: 9 பேர் உயிரிழப்பு