ஒரே டிக்கெட்டில் மாலைத்தீவின் 17 தீவுகளுக்குப் பயணம்! சிறிலங்கன் எயர்லைன்ஸ் அறிவிப்பு

சிறிலங்கன் எயர்லைன்ஸ் (SriLankan Airlines) நிறுவனம், மாலைத்தீவின் தேசிய விமானச் சேவையான மால்தீவியன் (Maldivian - Q2 / Island Aviation Services) உடன் இணைந்து புதிய இன்டர்லைன் ஒப்பந்தம் ஒன்றை மேற்கொண்டுள்ளது.

இதன் மூலம் பயணிகள் மாலைத்தீவின் 17 உள்நாட்டுத் தீவு இலக்குகளை ஒரே விமானச் சீட்டின் மூலம் மிக இலகுவாகச் சென்றடையும் வாய்ப்பு உருவாக்கப்பட்டுள்ளது.

இப் புதிய ஏற்பாட்டின் கீழ், மாலைத்தீவின் மாலேவிலுள்ள வெலனா சர்வதேச விமான நிலையம் (Velana International Airport) மற்றும் கான் தீவிலுள்ள கான் சர்வதேச விமான நிலையம் (Gan International Airport) ஆகிய இரு பிரதான முனையங்கள் வாயிலாக உள்வரும் மற்றும் வெளிச்செல்லும் பயணிகள் தடையற்ற பயண அனுபவத்தைப் பெற முடியும்.

மகிந்தவிற்கு எதிராக வழக்கில் முக்கிய சாட்சியாக மாறிய முன்னாள் எம்.பி!

விமான நிறுவனங்கள்

பயணிகள் இரு விமான நிறுவனங்களின் சேவைகளையும் உள்ளடக்கிய பயணங்களை ஒரே மின்னணு விமானச் சீட்டில் (E-Ticket) முன்பதிவு செய்ய முடியும்.

மாலைத்தீவின் தூரப்பகுதிகளில் உள்ள தீவுகளுக்கான இணைப்பு மேம்படுவதால், சுற்றுலாப் பயணிகள், வர்த்தகர்கள் மற்றும் பயண முகவர்களுக்குப் புதிய வாய்ப்புகள் உருவாகும்.

சிறிலங்கன் எயர்லைன்ஸ் நிறுவனம் தற்போது மாலே வெலனா விமான நிலையத்திற்கு நாளாந்தம் 3 விமானச் சேவைகளையும் கான் சர்வதேச விமான நிலையத்திற்கு வாரத்திற்கு 2 விமானச் சேவைகளையும் இயக்கி வருகின்றது.

இந்தநிலையில் சிறிலங்கன் எயர்லைன்ஸ் நிறுவனத்தின் வணிகப் பிரிவுத் தலைவர் திமுது தென்னகோன் இது தொடர்பில் கருத்து வெளியிட்டுள்ளார்.

பேராதனை போதனா வைத்தியசாலையில் டெண்டர் விவகாரத்தில் இலஞ்சம்: இருவர் சுற்றிவளைப்பு

உள்நாட்டு இணைப்புகள்

மேலும் தெரிவித்த அவர், “மால்தீவியன் விமானச் சேவையுடனான எங்களது இந்த கூட்டுமுயற்சி, எங்களது பிராந்திய வலையமைப்பை விரிவாக்குவதிலும் வாடிக்கையாளர்களின் பயண வசதிகளை மேம்படுத்துவதிலும் ஒரு முக்கிய மைல்கல்லாகும்.

எமது சர்வதேச விமான வலையமைப்பை மாலைத்தீவின் உள்நாட்டு இணைப்புகளுடன் இணைப்பதன் மூலம், மாலைத்தீவுக்கான பயண அணுகுமுறையை மேலும் விரிவுபடுத்தியுள்ளோம்” என தெரிவித்துள்ளார்.

அதேபோன்று, சிறிலங்கன் எயர்லைன்ஸ் நிறுவனத்தின் மாலைத்தீவுக்கான முகாமையாளர் நயோமி தென்னகோன் குறிப்பிடுகையில், இக்கூட்டுப் பங்களிப்பானது மாலே மற்றும் கான் தீவுகள் வாயிலாக உலகளாவிய பயணிகளை மாலைத்தீவின் பன்முகத்தன்மை கொண்ட தீவுகளுக்கு மிகவும் தடையின்றி அழைத்துச் செல்ல உதவும் என தெரிவித்துள்ளார்.

63 நாடுகளிலுள்ள 130 இங்கும் மேற்பட்ட இலக்குகளுக்குச் சேவைகளை வழங்கி வரும் சிறிலங்கன் எயர்லைன்ஸ், அதிநவீன எயார்பஸ் (Airbus) விமானங்களைக் கொண்டு தெற்காசியப் பிராந்தியத்தில் தனது சேவை வலையமைப்பை மேலும் வலுப்படுத்தி வருகின்றமை குறிப்பிடத்தக்கது.

உலகின் மிகவேகமாக வளர்ச்சியடையும் நாடுகளின் பட்டியலில் இலங்கைக்கு கிடைத்த இடம்!