தமிழரசுக் கட்சியின் செயலாளர் பதவிக்கு தீர்வு தேர்தலா... முக்கியஸ்தர் வெளிப்படுத்திய தகவல்
தமிழரசுக்கட்சியின் செயலாளர் பதவி தொடர்பில் எடுக்கப்பட்ட தீர்மானம் தமிழரசுக்கட்சி மாநாட்டில் பொதுச்சபைக்கு அறிவிக்கப்படும் என கட்சியின் பெயர் குறிப்பிட விரும்பாத முக்கிய தலைவரொருவர் தெரிவித்தார்.
செயலாளர் பதவியின் இழுபறி நிலை தொடர்பில் தமிழரசுக்கட்சியின் முக்கிய தலைவரொருவரிடம் கேட்கப்பட்ட போதே அவர் இவ்வாறு தெரிவித்தார்,
தொடர்ந்தும் அவர் இவ்விடம் தொடர்பில் தெரிவிக்கையில், செயலாளர் பதவி நிலை தொடர்பில் தொடர்ந்தும் இழுபறி நிலை காணப்பட்ட நிலையில் அண்மையில் முன்னாள் பதில் செயலாளர் ப. சத்தியலிங்கத்தின் இல்லத்தில் தமிழரசுக்கட்சி முக்கியஸ்தர்கள் கலந்துரையாடியிருந்தோம்.
எடுக்கப்பட்ட தீர்மானம்
இதன்போது குகதாசன் மற்றும் ஸ்ரீநேசன் ஆகியோருக்கிடையில் செயலாளர் பதவியை ஒவ்வொரு வருடங்களுக்கு பகிர்வது தொடர்பில் இணக்கப்பாடு காணப்பட்டதுடன் சாட்சிகள் சகிதம் கடிதங்களும் பெறப்பட்டது.
இதன் பிரகாரம் முதல் ஒருவருடம் குகதாசனுக்கும் அடுத்த ஒரு வருடம் ஸ்ரீநேசனுக்கும் வழங்குவதாகவும் இணக்கம் ஏற்பட்டிருந்தது.
குறித்த இணக்கப்பாடு எமது யாப்பு ரீதியாக இல்லாவிட்டாலும் பொதுச்சபை ஏற்றுக்கொள்ளும் பட்சத்தில் அதனை நடைமுறைப்படுத்த முடியும் என்ற ரீதியில் 19 ஆம் திகதி தமிழரசுக்கட்சி மாநாடு தொடங்குவதற்கு முன்னராக பொதுச்சபையில் குறித்த தீர்மானம் அறிவிக்கப்படும்.
இதன்போது குழப்பம் எற்படுமாக இருந்தால் செயலாளர் பதவிக்கு தேர்தல் ஒன்றை நடாத்தி புதிய செயலாளர் தெரிவு செய்யப்படுவார் எனவும் அவர் தெரிவித்தார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
