கொழும்பில் இன்றிரவு நடத்தப்பட்ட துப்பாக்கிசூடு முறிடிப்பு
கொழும்பு தெஹிவளை, கடவத்த வீதியில் உள்ள தஹநாயக்க மைதானம் அருகே ஒருவரைக் குறிவைத்து நடத்தப்பட்ட துப்பாக்கிச் சூடு முயற்சி முறியடிக்கப்பட்டுள்ளது.
இன்று (04) இரவு சுமார் 08.10 மணியளவில், முகத்தை மூடியபடி மோட்டார் சைக்கிளில் வந்த நபர் ஒருவர் இந்தத் துப்பாக்கிச் சூட்டை நடத்த முயன்றார்.
தப்பிச் சென்ற துப்பாக்கிதாரி
மைதானத்திற்கு அருகில் உள்ள ஒரு பேக்கரியின் உரிமையாளரை இலக்காகக் கொண்டு இந்தத் துப்பாக்கிச் சூடு நடத்தப்பட்டது, ஆனால் அப்போது துப்பாக்கிச் சூடு நடத்தியவரின் துப்பாக்கி வெடிக்கவில்லை.
இந்த நிலையில் பேக்கரி உரிமையாளர் துப்பாக்கிச் சூடு நடத்தியவருடன் போராடியபோது, அவரிடமிருந்து துப்பாக்கியைப் பறித்துக்கொண்டார்.
பின்னர் துப்பாக்கிச் சூடு நடத்தியவர் சம்பவ இடத்திலிருந்து தப்பிச் சென்றதாகவும், பேக்கரி உரிமையாளருக்குச் சிறு காயங்கள் ஏற்பட்டதாகவும் காவல்துறை தெரிவித்துள்ளது.
காவல்துறை விசாரணை
இந்தச் சம்பவம் குறித்து தற்போது விசாரணை தொடங்கப்பட்டுள்ளதாகக் காவல்துறை கூறியுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
