ஐ.எம்.எப் ஒப்பந்த திருத்தங்கள் மூலம் பலப்படுத்தபடவுள்ள வரி தளர்வுகள்

சர்வதேச நாணய நிதியத்தின் (IMF) ஆதரவுடன் செயல்படும் விரிவாக்கப்பட்ட நிதி வசதி(EFF) ஒப்பந்தத்தில் மேற்கொள்ளப்பட்ட முக்கிய திருத்தங்களை இலங்கையின் நிதி மற்றும் திட்டமிடல் துணை அமைச்சர் அனில் ஜயந்த, வெளியிட்டுள்ளார்.

அவர் கூறுகையில்,

EFF ஒப்பந்தத்திற்கான ‘Letter of Intent’ 2023 மார்ச் 6ஆம் திகதி முன்னாள் ஜனாதிபதி (அப்போது நிதி அமைச்சராகவும் இருந்தவர்) மற்றும் மத்திய வங்கியின் ஆளுநரால் கையெழுத்திடப்பட்டது.

எரிவாயுத் தட்டுப்பாடு குறித்து வெளியான அறிவிப்பு

IMF நிர்வாக சபை

பின்னர் 2023 மார்ச் 20ஆம் திகதி IMF நிர்வாக சபையால் அது அங்கீகரிக்கப்பட்டது. எனினும், அந்த ஒப்பந்தம் அங்கீகாரத்திற்கு முன் நாடாளுமன்றத்தில் சமர்ப்பிக்கப்படவில்லை.

மறுபரிசீலனை செய்ததுடன், புயலுக்குப் பிறகான செலவுகளுக்கான தேவைகளை உள்ளடக்குவதற்காக IMF உடன் மேலதிக பேச்சுவார்த்தைகளும் நடத்தியது.

ஜனாதிபதி  பதவியேற்ற பின், மூன்றாவது மதிப்பீட்டின் கீழ் ஒப்பந்த நிபந்தனைகள் மேலும் திருத்தப்பட்டன.

2024 நவம்பரில் நிறைவடைந்த பணியாளர் மட்ட பேச்சுவார்த்தைகளின் பின்னர், பொதுமக்களின் சுமையை குறைத்து சமமான நன்மைகளை வழங்க பல திருத்தங்கள் அறிமுகப்படுத்தப்பட்டன” என்றார்.

மேலும், இலங்கை, IMF திட்டத்தின் கீழ் உள்நாட்டு உற்பத்தி மதிப்பின் (GDP) குறைந்தபட்சம் 2.3% முதன்மை அதிகப்படியான இருப்பை (primary surplus) பேணவும், முதன்மை செலவுகளை GDPயின் 13%க்கு உட்பட வைத்திருக்கவும் ஒப்புக்கொண்டிருந்தாலும், சமூக நலச் செலவுகளைப் பாதுகாக்கவும் கூடுதல் நலத்திட்ட நடவடிக்கைகளை அறிமுகப்படுத்தவும் அரசு சலுகைகளை பேச்சுவார்த்தை மூலம் பெற்றதாக ஜயந்த வலியுறுத்தினார்.

ஈரான் மீதான தாக்குதல் கடுமையான விளைவுகளை ஏற்படுத்தும்! அமெரிக்காவுக்கு ரஷ்யா எச்சரிக்கை

 கடன் நெருக்கடி 

இலங்கையின் கடன் நெருக்கடி காலத்தில் கடன் செலுத்துதலை இடைநிறுத்திய தீர்மானம் (debt standstill) நாட்டின் சர்வதேச நம்பகத்தன்மைக்கு கடுமையான பாதிப்பை ஏற்படுத்தியதாகவும், சர்வதேச மதிப்பீட்டு நிறுவனங்கள் இலங்கையை தவறுதலான நிலைக்கு தாழ்த்தியதால் உலகளாவிய மூலதன சந்தைகளுக்கான அணுகல் மறுக்கப்பட்டதாகவும் அவர் குறிப்பிட்டார்.

இதனால் வெளிநாட்டு நிதி வசதிகள் குறைக்கப்பட்டதுடன், இலங்கை கடன்களின் அபாய மதிப்பீடு உயர்ந்து, தனியார் முதலீட்டு வருகையும் பாதிக்கப்பட்டதாக அவர் விளக்கினார்.

நம்பகத்தன்மையை மீண்டும் கட்டியெழுப்ப, கொள்கைத் தொடர்ச்சி, நிதி ஒழுக்கம் மற்றும் கடனாளிகள் மற்றும் சர்வதேச நிறுவனங்களுடன் வெளிப்படையான பேச்சுவார்த்தைகள் அவசியமானவை என அவர் கூறினார்.

IMF திட்டத்தின் கீழ் இதுவரை எட்டப்பட்ட முன்னேற்றம் முதலீட்டாளர்கள் மற்றும் அபிவிருத்தி கூட்டாளர்களின் நம்பிக்கையை படிப்படியாக மீட்டெடுக்க முக்கிய பங்காற்றியுள்ளதாக துணை அமைச்சர் அனில் ஜயந்த தெரிவித்துள்ளார்.