பாடசாலை மாணவிகளிடம் தகாத செயலில் ஈடுபட்ட ஆசிரியர் கைது

Sri Lanka Police Nuwara Eliya Sri Lankan Schools

By Kathirpriya Dec 22, 2023 10:04 AM GMT

Kathirpriya

in சமூகம்

Report

மூன்று பாடசாலை மாணவிகளுடன் தகாத செயலில் ஈடுபட்டதாக சந்தேகத்தின் பேரில் கைது செய்யப்பட்ட விஞ்ஞான ஆசிரியர் விளக்கமறியலில் வைக்கப்பட்டுள்ளார.

குறித்த ஆசிரியரை எதிர்வரும் 27 ஆம் திகதி வரை விளக்கமறியலில் வைக்க வலப்பனை நீதவான் நீதிமன்றினால் உத்தரவு பிறப்பிக்கப்பட்டுள்ளது.

ஆய்வு கூடத்தில் வைத்து

"நுவரெலியா மாவட்டத்தில் 9 ஆம் தரத்தில் கல்வி கற்கும் 3 மாணவிகளை பாடசாலையின் ஆய்வு கூடத்தில் வைத்து தகாத செயலில் ஈடுபட்டதாக அதே பாடசாலையின் ஆசிரியர் சந்தேகத்தின் பேரில் நேற்றைய தினம் (21) கைது செய்யப்பட்டார்.

கித்துல்லே, பல்லேதோவ பிரதேசத்தில் வசிக்கும் 29 வயதுடைய திருமணமான ஆசிரியர் ஒருவரே இவ்வாறு கைது செய்யப்பட்டுள்ளார்.

பாடசாலை மாணவிகளிடம் தகாத செயலில் ஈடுபட்ட ஆசிரியர் கைது | Teacher Arrested For Misbehave Students

கைது செய்யப்பட்ட ஆசிரியர் 9 ஆம் வகுப்புக்கு பொறுப்பான ஆசிரியர் எனவும், அவர் விஞ்ஞான பாடத்தை கற்பிப்பதாகவும் காவல்துறையினர் தெரிவித்தனர்.

சந்தேகத்திற்குரிய ஆசிரியரின் மனைவியும் ஆசிரியை என்று தெரியவந்துள்ளது, குறித்த ஆசிரியர் மாணவி ஒருவருடன் காதல் உறவில் ஈடுபட்டுள்ளதுடன், அந்த மாணவியின் ஊடாக ஏனைய இரு மாணவிகளுடனும் தகாத செயலில் ஈடுபட்டதாகவும் ஆரம்பகட்ட விசாரணைகளில் தெரியவந்துள்ளது.

வைத்திய பரிசோதனைக்காக

மாணவிகளிடம் இருந்து கிடைத்த தகவலின் அடிப்படையில் சம்பந்தப்பட்ட ஆசிரியர் கைது செய்யப்பட்டுள்ளதுடன், மாணவி ஒருவரிடம் வட்ஸ்அப் மூலம் நிர்வாண புகைப்படங்களை கேட்டு வற்புறுத்தியிருப்பதும் தெரியவந்துள்ளது.

இந்நிலையில் அந்த ஆசிரியரின் கையடக்கத் தொலைபேசியும் காவல்துறையினரால் கைப்பற்றப்பட்டுள்ளது.

பாடசாலை மாணவிகளிடம் தகாத செயலில் ஈடுபட்ட ஆசிரியர் கைது | Teacher Arrested For Misbehave Students

கைது செய்யப்பட்ட ஆசிரியர் வலப்பனை நீதவான் நீதிமன்றில் நேற்றையதினம் (21) முன்னிலைப்படுத்தப்பட்ட நிலையில் அவரை எதிர்வரும் 27 ஆம் திகதி வரை விளக்கமறியலில் வைக்குமாறு தீர்ப்பளிக்கப்பட்டது.

மேலும், பாடசாலை மாணவிகள் மூவரும் வைத்திய பரிசோதனைக்காக கண்டி பொது வைத்தியசாலையில் அனுமதிக்கப்பட்டுள்ளமை குறிப்பிடத்தக்கது."