வீதியை கடக்க முற்பட்ட ஆங்கில ஆசிரியருக்கு நேர்ந்த துயரம்
வீதியை கடக்க முற்பட்ட ஆங்கில ஆசிரியரை மணல் ஏற்றிவந்த டிப்பர் மோதியதில் அவர் உயிரிழந்துள்ளார்.
தம்புள்ளை-திருகோணமலை பிரதான சாலையில் நேற்று 21 ஆம் திகதி பிற்பகல் இந்த சம்பவம் இடம்பெற்றுள்ளதாக தம்புள்ளை காவல்துறை தெரிவித்துள்ளது.
காவல்துறை வெளியிட்ட தகவல்
ஆசிரியர் வீதியை கடக்க முற்பட்டபோது டிப்பர் வாகனத்தின் பின்புற சக்கரத்தில் மோதியதால் விபத்து ஏற்பட்டதாக முதற்கட்ட விசாரணையில் தெரியவந்ததாக தம்புள்ளை காவல்துறை தலைமையக ஆய்வாளர் சுகத் விஜேசுந்தர தெரிவித்தார்.
விபத்தில் உயிரிழந்தவர் தம்புள்ளை, சனச மாவத்தையைச் சேர்ந்த 56 வயதுடைய பள்ளி ஆசிரியரும், தம்புள்ளை தொடக்கப்பள்ளியில் பணிபுரிந்து வந்த இரண்டு குழந்தைகளின் தந்தையுமான ஏ.எம். சரத் ஜெயந்த ருவான் பண்டார ஆவார்.
டிப்பரும் அதன் சாரதியும் கைது
மணல் ஏற்றிச் சென்ற டிப்பர் மற்றும் அதன் ஓட்டுநர் கைது செய்யப்பட்டுள்ளனர்.இன்று (22 )பிரேத பரிசோதனை நடத்த திட்டமிடப்பட்டுள்ளது.
சம்பவம் தொடர்பில் தம்புள்ளை காவல்துறையினர் மேலதிக விசாரணைகளை மேற்கொண்டு வருகின்றனர். சடலம் தம்புள்ளை ஆதார வைத்தியசாலையில் வைக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 10ம் வட்டாரம், வவுனியா, கிளிநொச்சி, சென்னை, India
18 Sep, 2025
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
