சிறை கைதிகளின் பாதுகாப்புக்கு அரசாங்கமே பொறுப்பு! அநுரவின் கூற்றை நினைவு கூர்ந்த சஜித்

Anura Kumara Dissanayaka Sajith Premadasa

By Dharu Jul 06, 2026 01:10 PM GMT

Dharu

in அரசியல்

Report

நீர்கொழும்பு சிறைச்சாலையில் நடந்த கொடூரமான வன்முறைக்கு அரசாங்கமே காரணம் என்றும், குறைந்தது 25 உயிர்களைப் பறித்த இச்சம்பவத்திற்கு அரசாங்கம் முழுப் பொறுப்பையும் ஏற்க வேண்டும் எனவும் எதிர்க்கட்சித் தலைவர் சஜித் பிரேமதாச குற்றம் சாட்டியுள்ளார்.

இது குறித்து இன்று சிறப்பு அறிக்கை ஒன்றை வெளியிட்ட பிரேமதாச,

சிறை நிர்வாகத்தின் சீர்குலைவு மற்றும் திறமையின்மையின் காரணமாகவே உயிரிழப்புகளும் காயங்களும் ஏற்பட்டதாகத் தெரிவித்தார்.

சிறைகளுக்குள் மரணங்கள்

தற்போதைய ஜனாதிபதி, எதிர்க்கட்சியில் இருந்தபோது, சிறைகளுக்குள் மரணங்கள் நிகழ்ந்தால் அரசாங்கமே பொறுப்பேற்க வேண்டும் என்று கூறியதை அவர் நினைவு கூர்ந்தார்.

சிறை கைதிகளின் பாதுகாப்புக்கு அரசாங்கமே பொறுப்பு! அநுரவின் கூற்றை நினைவு கூர்ந்த சஜித் | The Govet Responsible For The Safety Of Prisoners

மேலும் அதே கொள்கை தற்போதைய நிர்வாகத்திற்கும் பொருந்த வேண்டும் என்றும் கூறினார்.

அரசாங்கம் வாக்குறுதியளித்த அமைப்பு மாற்றம் தோல்வியடைந்துவிட்டதாகவும், நீர்கொழும்பு சிறைச்சாலை சம்பவம் ஆளுகை, சட்டம் ஒழுங்கு மற்றும் சிறைச்சாலை நிர்வாகத்தில் உள்ள குறைபாடுகளை எடுத்துக்காட்டியுள்ளதாகவும் பிரேமதாச மேலும் கூறியுள்ளார்.

சட்டம் ஒழுங்கைப் பராமரிக்கவும், மனிதாபிமான சிறை நிர்வாகத்தை உறுதி செய்யவும் அரசாங்கத்திற்குத் திறன் உள்ளதா என்று கேள்வி எழுப்பிய அவர், பொதுமக்களுக்குப் பதில்கள் தேவை என்றும் கூறியுள்ளார்.