அதிகாரிகள் கண்ணில் மண்ணைத் தூவிய வேட்டைக்காரன்! சமூக ஊடகங்களில் பரவும் பரபரப்பு காணொளிகள்

Sri Lankan Peoples Sri Lanka Police Investigation

By Dhilak Sep 02, 2026 06:01 PM GMT

Dhilak

in சமூகம்

Report

யால தேசியப் பூங்காவின் பிரிவு 5-இல் உள்ள வெஹரகல பகுதியில், எந்தவித அச்சமுமின்றி பகிரங்கமாக விலங்குகளை வேட்டையாடும் நபர் ஒருவர் தொடர்பான காணொளிகள் தற்போது சமூக ஊடகங்களில் வெளியாகி பெரும் கண்டனங்கள் எழுந்து வருகின்றன.

இந்நிலையில், குறித்த சந்தேகநபர், தற்போது அங்கிருந்து தப்பிச் சென்றுள்ளதாகவும், அவரை தேடி வருவதாகவும் வனவிலங்கு பாதுகாப்புத் திணைக்களம் தெரிவித்துள்ளது.

அதிகாரப்பூர்வ முகநூல் பக்கத்தில் பதிவொன்றை வெளியிட்டுள்ள வனவிலங்கு பாதுகாப்பு திணைக்களம், இந்தச் சம்பவம் குறித்த தகவல் கிடைத்த நாளிலிருந்து, பணியில் இருந்த வனக்காவலர், சம்பந்தப்பட்ட வேட்டைக்காரரைத் தேடுவதற்காக 2 நாட்கள் பூங்காவை ஆய்வு செய்ததாக தெரிவித்துள்ளது.

தப்பியோட்டம்

இருப்பினும், அந்த வேட்டைக்காரரைக் கண்டுபிடிக்க முடியவில்லை என்றும், அவர் தற்போது தான் வசிக்கும் பகுதியை விட்டும் தப்பிச் சென்றுவிட்டதாக தகவல் கிடைத்துள்ளதாகவும் கூறப்படுகிறது.

இந்த வேட்டைக்காரரைக் கைது செய்வதற்காக வனவிலங்கு அதிகாரிகள் தற்போது தொடர் விசாரணைகளை நடத்தி வருவதாக தெரியருகிறது.

இதேவேளை, சர்ச்சைக்குரிய இந்தச் சம்பவத்திற்கு முன்பு, சம்பந்தப்பட்ட வேட்டைக்காரர் வனவிலங்கு அதிகாரிகளால் மூன்று முறை கைது செய்யப்பட்டு நீதிமன்றத்தில் முன்னிலைப்படுத்தப்பட்டு தண்டிக்கப்பட்டுள்ளார் என்றும் தெரியவந்துள்ளது.