பிரதமர் ஹரிணிக்கு எதிராக தேரர் போர்க்கொடி

தேசத்தைப் பாதுகாப்பதற்கான தேசிய இயக்கத்தின் தலைவர் வணக்கத்திற்குரிய எல்லே குணவன்ச தேரர், பிரதமர் ஹரிணி அமரசூரியவை கல்வி அமைச்சர் பதவியில் இருந்து நீக்கி அமைச்சரவை மறுசீரமைப்பு மேற்கொள்ளப்பட வேண்டும் என்று ஜனாதிபதிக்கு ஒரு தகவல் அனுப்பியுள்ளார்.

ஜனாதிபதி அனுரகுமார திசாநாயக்கவுக்கு அனுப்பிய ஒரு செய்தியில், பிரதமரின் தலைமையில் முன்மொழியப்பட்ட ஒருதலைப்பட்ச கல்வி சீர்திருத்தங்கள், தற்போதைய அரசாங்கத்தின் கீழ் நாடு, மக்கள் மற்றும் பௌத்த மதம் கடுமையான அச்சுறுத்தலை எதிர்கொள்கிறது என்பதை தேரர் சுட்டிக்காட்டினார்.

சீர்திருத்தங்களில் வெளிப்படைத்தன்மை இல்லை

மக்கள் அல்லது நாட்டின் மீது எந்த அக்கறையும் காட்டாத இத்தகைய பலவீனமான அரசாங்கம், தேசத்திற்கும் அதன் குடிமக்களுக்கும் நேரடியாக தீங்கு விளைவிப்பதாக அவர் மேலும் கூறினார்.

துறவிகள், பிற மதங்களைச் சேர்ந்த மதகுருமார்கள், ஆசிரியர்கள் அல்லது கல்வி நிபுணர்களிடமிருந்து எந்த கருத்தும் பெறப்படாததால், கல்வி சீர்திருத்தங்களில் வெளிப்படைத்தன்மை இல்லை என்றும் தேரர் குறிப்பிட்டார்.

எனவே, சீர்திருத்தங்களை அறிமுகப்படுத்துவதற்கு பின்பற்றப்பட்ட நடைமுறை ஆரம்பத்திலிருந்தே குறைபாடுடையது என்றும், செல்லுபடியாகாது என்றும் அவர் வலியுறுத்தினார்.

ஆபத்திலிருந்து காப்பாற்ற விரைவாகச் செயல்படுவார் ஜனாதிபதி

ஒரு துறவியாக தனது வரலாற்றுக் கடமையை நிறைவேற்றுவதாகக் கூறிய, வண. எல்லே குணவன்ச தேரர், அரச தலைவராக ஜனாதிபதி அனுர குமார திசாநாயக்க, நாட்டையும், மக்களையும், பௌத்த தர்மத்தையும் இந்த ஆபத்திலிருந்து காப்பாற்ற விரைவாகச் செயல்படுவார் என்று நம்பிக்கை தெரிவித்தார். 

தொடரும் அடாவடி - தையிட்டி விகாரைக்காக அபகரிக்கப்பட்ட காணிகளை விட முடியாது

சத்தியாக்கிரக போராட்டத்தில் குதித்த விமல் வீரவன்ச