லசந்தவின் கொலை பின்னணியை அறிந்தவர்களின் மௌனம் காக்கின்றனர்! ரங்க திசாநாயக்க சுட்டிக்காட்டு
பத்திரிகையாளர் லசந்த விக்கிரமதுங்க கொலை தொடர்பான தகவல்களை அறிந்தவர்கள் இருப்பதாகவும், ஆனால் அவர்களில் பலர் இதுவரை வெளிப்படையாகப் பேசவில்லை என்றும் அவர் தெரிவித்துள்ளார்.
அவர் கொலை செய்யப்பட்டதற்கான காரணம் தெளிவாகவும் உறுதியாகவும் கண்டறியப்பட்டுள்ளதாக இலஞ்சம் அல்லது ஊழல் குற்றச்சாட்டுகளை விசாரணை செய்யும் ஆணைக்குழுவின் பணிப்பாளர் நாயகம் ரங்க திசாநாயக்க தெரிவித்துள்ளார்.
லசந்த விக்கிரமதுங்க இலங்கையில் இடம்பெற்றதாகக் கூறப்படும் ஊழல் மற்றும் மோசடிகளுக்கு எதிராக தனது எழுத்தின் மூலம் குரல் கொடுத்தமையே அவரது கொலைக்கான காரணம் என ரங்க திசாநாயக்க தெரிவித்துள்ளார்.
ஊழல்களுக்கு எதிராக லசந்த குரல்
எனினும், லசந்தவின் கொலையாளிகள் தொடர்பில் இதுவரை உறுதியான முறையில் கண்டறியப்படவில்லை என்றும், அதற்கான விசாரணைகள் தொடர்ந்து இடம்பெறுவதாகவும் அவர் குறிப்பிட்டுள்ளார்.
அதிகாரத்தில் இருந்தவர்களால் மேற்கொள்ளப்பட்டதாகக் கூறப்படும் ஊழல்களுக்கு எதிராக லசந்த குரல் கொடுத்ததாகவும், ஊழல் மற்றும் மோசடிகளுக்கு எதிராக அவர் எழுப்பிய கேள்விகளின் முக்கியத்துவம் பின்னர் ஏற்பட்ட பொருளாதார நெருக்கடியின் பின்னணியில் மேலும் தெளிவாகியுள்ளதாகவும் ரங்க திசாநாயக்க தெரிவித்துள்ளார்.
மேலும், லசந்த போன்ற சிலர் ஊழலுக்கு எதிராக குரல் எழுப்பியபோது பலர் அமைதியாக இருந்ததாகவும், பின்னர் ஏற்பட்ட பொருளாதார நெருக்கடியால் மக்கள் அத்தியாவசியப் பொருட்களைப் பெற நீண்ட வரிசைகளில் நிற்க வேண்டிய நிலை ஏற்பட்டதாகவும் அவர் தெரிவித்துள்ளார்.
அத்தோடு லசந்தவின் கொலை தொடர்பில் நீதிமன்றத்தின் ஊடாக இதுவரை நீதி நிலைநாட்டப்படவில்லை என்றும், அதற்கு முக்கிய காரணமாக தேவையான சாட்சியங்கள் கிடைக்காத நிலை காணப்படுவதாகவும் ரங்க திசாநாயக்க குறிப்பிட்டுள்ளார்.
இந்நிலையில் நீதியை நிலைநாட்டுவதற்கு நீதிமன்றத்தில் வழக்கை நிரூபிக்க போதுமான சாட்சியங்கள் அவசியம் எனக் குறிப்பிட்ட அவர், லசந்தவின் கொலை தொடர்பில் உண்மையை அறிந்தவர்கள் ஒருநாள் அதுகுறித்து வெளிப்படையாகப் பேச வேண்டும் எனவும் தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
