யாழில் இருந்து கொழும்பு சென்ற அதி சொகுசு பேருந்து விபத்து: மூவர் பலி இருவர் காயம்
முல்லைத்தீவு (Mullaitivu) - மாங்குளம் பகுதியில் இடம்பெற்ற பேருந்து விபத்தில் மூவர் உயிரிழந்துள்ளதாக தெரிவிக்கப்படுகின்றது.
குறித்த விபத்து சம்பவமானது நேற்று இரவு (26.6.2024) 11 மணியளவில் மாங்குளம் (Mangulam) பனிக்கன் குளம் பகுதியில் இடம்பெற்றுள்ளது.
விபத்தில் மேலும் இருவர் காயமடைந்துள்ளனர் என காவல்துறை ஊடகப் பேச்சாளர் தெரிவித்துள்ளார்.
காவல்துறையினர் விசாரணை
பனிக்கன் குளம் பகுதியில் நெடுஞ்சாலையோரம் நிறுத்தப்பட்டிருந்த யாழ்ப்பாணத்திலிருந்து கொழும்பு நோக்கி சென்ற அதி சொகுசு பேருந்தின் பின்புறம் பாரவூர்தி ஒன்று மோதியதாக காவல்துறையினர் தெரிவித்துள்ளனர்.
இதன்போது, வீதியில் நிறுத்தி வைக்கப்பட்டிருந்த பேருந்தில் திருத்த பணியில் ஈடுபட்டிருந்த மூவர் சிக்கி தூக்கி வீசப்பட்டு உயிரிழந்துள்ளனர்.
பாரவூர்தி சாரதி மற்றும் பேருந்தில் பயணித்த ஒருவர் என இருவர் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.
மேலும், சம்பவம் தொடர்பாக மாங்குளம் காவல்துறையினர் விசாரணைகளை ஆரம்பித்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
இலங்கையை இரண்டாக்கிய 1956 கல்லோயாப் படுகொலை….
2 வாரங்கள் முன்
நெடுந்தீவு, அரியாலை, கொட்டாஞ்சேனை, கொழும்பு சொய்சாபுரம், Toronto, Canada
27 Jun, 2024
கரம்பன் தெற்கு, கரம்பன், ஜேர்மனி, Germany, Scarborough, Canada
29 Jun, 2024
