முச்சக்கர வண்டி திருட்டு: கொழும்பு வத்தளையில் இருவர் அதிரடி கைது
முச்சக்கர வண்டி திருட்டு மற்றும் திருடப்பட்டதாகச் சந்தேகிக்கப்படும் வாகன உதிரிப்பாகங்களை வைத்திருந்தமை தொடர்பில் இருவர் வத்தளையில் கைது செய்யப்பட்டுள்ளனர்.
கைது செய்யப்பட்டவர்கள் 25 மற்றும் 28 வயதுடைய இரு சந்தேகநபர்களும், நேற்று (20.10.2026) பம்பலப்பிட்டி காவல் நிலைய அதிகாரிகளால் கைது செய்யப்பட்டுள்ளதாக காவல்துறையினர் தெரிவித்துள்ளனர்.
கடந்த ஒக்டோபர் 15ஆம் திகதி முச்சக்கர வண்டி ஒன்று திருடப்பட்டமை தொடர்பில் கிடைத்த முறைப்பாட்டின் அடிப்படையில் முன்னெடுக்கப்பட்ட விசாரணைகளைத் தொடர்ந்து இந்தக் கைது நடவடிக்கை இடம்பெற்றுள்ளது.
மேலதிக விசாரணை
இதன்போது, ஒரு சந்தேகநபர் முச்சக்கர வண்டி திருட்டுச் சம்பவத்துடன் தொடர்புடையவர் என்ற சந்தேகத்தின் அடிப்படையிலும், மற்றையவர் திருடப்பட்ட சொத்துக்களை வைத்திருந்த குற்றச்சாட்டிலும் கைது செய்யப்பட்டுள்ளதாக காவல்துறையினர் குறிப்பிட்டுள்ளனர்.
சந்தேகநபர்களிடமிருந்து ஐந்து முச்சக்கர வண்டி இயந்திரங்கள், இரண்டு முச்சக்கர வண்டி அடிச்சட்டங்கள், ஒரு முச்சக்கர வண்டி, ஒரு மோட்டார் சைக்கிள் மற்றும் பல வாகன இலக்கத் தகடுகள் என்பன காவல்துறையினரால் மீட்கப்பட்டுள்ளன.
கைது செய்யப்பட்ட இருவரும் வத்தளைப் பகுதியைச் சேர்ந்தவர்கள் எனத் தெரிவிக்கப்பட்டுள்ளது.
இச்சம்பவம் தொடர்பான மேலதிக விசாரணைகளை பம்பலப்பிட்டி காவல்துறையினர் முன்னெடுத்து வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024