ஆப்பிள் நிறுவன CEO பதவியில் இருந்து விலகும் டிம் குக்!
உலகம் முழுவதும் புகழ் பெற்ற ஐபோன்களை தயாரிக்கும் ஆப்பிள் நிறுவனத்தின் தலைமை நிர்வாக அதிகாரியான (CEO) டிம் குக் தனது பதவியில் இருந்து விலகவுள்ளதாக அறிவித்துள்ளார்.
கடந்த 2011ம் ஆண்டு, அந்த நிறுவனத்தின் தலைமை நிர்வாக அதிகாரியாக இருந்த ஸ்டீவ் ஜாப்ஸ், உடல்நிலை மோசம் அடைந்ததைத் தொடர்ந்து பதவி விலகிய பிறகு அந்த பதவியில் டிம் குக் நியமிக்கப்பட்டார்.
ஆப்பிள் நிறுவனத்தின் டிம் குக் தலைமையிலான 15 வருட காலம் ஆப்பிள் வரலாற்றில் ஒரு மாபெரும் அத்தியாயமாக பார்க்கப்படுகிறது.
டிம் குக்கின் தலைமைத்துவம்
இந்த பதவி விலகல் குறித்து டிம் குக் தனது எக்ஸ் (X) தளத்தில் பதிவிட்டுள்ளதாவது, தலைமை நிர்வாக அதிகாரியாக எனது கடைசி நாளில், ஆப்பிள் சமூகத்திற்கு என் அன்பை அனுப்புகிறேன். நாளை என் பதவிப் பெயர் மாறுகிறது, ஆனால் ஆப்பிள் சமூகத்தின் மீது நான் கொண்டுள்ள அன்பு ஒருபோதும் மாறாது.
Sending lots of love to the Apple community on my last day as CEO. My title changes tomorrow, but the love I have for the Apple community never will. Thank you for being a constant source of inspiration. My gratitude is endless, and I’m excited for the next chapter!
— Tim Cook (@tim_cook) August 31, 2026
எனக்குத் தொடர்ச்சியான உத்வேகத்தின் ஊற்றாக இருந்ததற்கு நன்றி. என் நன்றியுணர்வு எல்லையற்றது, மேலும் அடுத்த அத்தியாயத்திற்காக நான் ஆவலுடன் காத்திருக்கிறேன்!” என குறிப்பிட்டுள்ளார்.
ஆப்பிளின் சந்தை மதிப்பு
இதேவேளை டிம் குக் ஆப்பிள் நிறுவனத்தைப் பொறுப்பேற்றபோது சுமார் 350 பில்லியன் டொலராக இருந்த ஆப்பிளின் சந்தை மதிப்பு இன்று 5 டிரில்லியன் டொலரை நெருங்கியுள்ளது. இது உலகளாவிய அளவில் ஆப்பிளின் செல்வாக்கு மற்றும் மதிப்பில் ஏற்பட்டுள்ள அசாதாரண வளர்சியை காட்டுகிறது.
அவரது தலைமையில் ஆப்பிள் நிறுவனம் பாரிய வளர்ச்சி, புதிய கண்டுபிடிப்புகள் மற்றும் தொடர்சியான விரிவாக்கத்தை கண்டது.
ஐபோன் முதல் சேவைகள், அணியக்கூடிய சாதனங்கள் வரை அனைத்து துறைகளிலும் டிம் குக்கின் தலைமை ஆப்பிளை உலகின் மிகவும் மதிப்புமிக்க நிறுவனங்களில் ஒன்றாக உருவாக்கியது.
இந்தநிலையில் தலைமை நிர்வாக அதிகாரி பொறுப்பில் இருந்து டிம் குக் விலகுவதுடன் அவருக்கு பதில் ஜான் டர்னஸ் புதிய தலைமை நிர்வாக அதிகாரியாக பொறுப்பேற்கவுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023