புளூ டிக் தொடர்பில் டுவிட்டர் வெளியிட்டுள்ள புதிய அறிவிப்பு

டுவிட்டரில் முதற்கட்டமாக வணிக கணக்குகளுக்கான சரிபார்ப்பு தொடங்கும் என தெரிவிக்கப்பட்டுள்ளது.

இதனிடையே இன்று (12) முதல் மீண்டும் 'புளூ டிக்' வசதி கிடைக்கும் என டுவிட்டர் நிறுவனம் தெரிவித்துள்ளது.

மேலும், அரசு அலுவலகங்கள் மற்றும் பெரும் தொழில் நிறுவனங்களின் கணக்குகள் சரிபார்ப்பு தொடங்கும் எனவும் தெரிவிக்கப்பட்டுள்ளது. 

8 அமெரிக்க டொலர்

டுவிட்டரில் அரசியல் தலைவர்கள் மற்றும் பிரபலங்களின் கணக்கு அதிகாரபூர்வமானது என்பதை உறுதிப்படுத்த, டுவிட்டர் தளத்தில் பெயருக்கு அருகில் நீலநிற குறியீடு (புளூ டிக்) குறிக்கப்பட்டிருக்கும்.

இதன்மூலம், குறிப்பிட்ட பயனாளர்கள் டுவிட்டரில் பல்வேறு அம்சங்களை பயன்படுத்திக்கொள்ளலாம். இந்த நிலையில் கடந்த சில மாதங்களுக்கு முன்பு டுவிட்டரை தன்வசப்படுத்திய எலான் மஸ்க், டுவிட்டரில் 'புளூ டிக்' வசதியை பெற மாதந்தோறும் 8 அமெரிக்க டொலர்  கட்டணம் செலுத்த வேண்டுமென அறிவித்தார்.

இதற்கு பல தரப்பில் இருந்தும் எதிர்ப்பு தெரிவிக்கப்பட்டது. எனினும் எலான் மஸ்க் தன் முடிவில் உறுதியாக இருந்தார்.  இதற்கிடையில் 'புளூ டிக்' வசதியை பெறுவதற்கு எலான் மஸ்க் கட்டணத்தை அறிவித்ததும் டுவிட்டரில் ஏராளமான போலி கணக்குகள் உருவாகின. இதன் காரணமாக டுவிட்டரில் 'புளூ டிக்' வசதி தற்காலிகமாக நிறுத்தப்படுவதாக எலான் மஸ்க் அறிவித்தார். 

எலான் மஸ்க்

டுவிட்டரின்  verification option இல் மூன்று நிறங்கள் இருக்கலாம் என்றும், இதில் தங்க நிறம் என்பது நிறுவனங்களுக்கும், சாம்பல் கலர் அரசு துறை சார்ந்த கணக்குகளுக்கும்,  புளூ டிக் என்பது தனி நபர்களுக்கும் வழங்கப்படும் என கடந்த மாத இறுதியில் ஒரு டுவிட்டில் எலான் மஸ்க் தெரிவித்திருந்தார்.