கனடாவில் சீனச் சமூகத்தை இலக்கு வைத்து இடம்பெறும் மோசடிகள் குறித்து விடுக்கப்பட்டுள்ள எச்சரிக்கை

Canada World

By Beulah Dec 14, 2023 03:17 PM GMT

Beulah

in உலகம்

Report

கனடாவின் ரொறன்ரோவில் சீனச் சமூகத்தைச் சேர்ந்த மக்களை இலக்கு வைத்து மோசடிகள் இடம்பெறுவதாக காவல்துறையினர் எச்சரிக்கை விடுத்துள்ளனர்.

கனடாவில் வாழ்ந்து வரும் சீன சமூகத்தைச் சேர்ந்தவர்கள் நாடு கடத்தப்படக்கூடிய அபாயத்தை எதிர்நோக்குவதாகத் தெரிவித்து மோசடி இடம்பெறுவதாக குறிப்பிடப்படுகின்றது.

இவ்விடயம் தொடர்பில் மேலும் காவல்துறையினர் அறியத்தருகையில்,

தனிப்பட்ட தகவல்கள்

“சீனாவில் இடம்பெற்ற மோசடியுடன் தொடர்புபடுத்தி கப்பம் கோர முயற்சிக்கப்படுகிறது.

கனடாவில் சீனச் சமூகத்தை இலக்கு வைத்து இடம்பெறும் மோசடிகள் குறித்து விடுக்கப்பட்டுள்ள எச்சரிக்கை | Toronto Police Warn Public Scam Chinese Community

தொலைபேசி அழைப்பு மேற்கொள்ளப்படும் சீனர்களின் பெயர்களில் சீனாவில் வங்கிக் கணக்கு திறக்கப்பட்டு மோசடி செய்யப்பட்டுள்ளதோடு, இந்த குற்றச் செயலிலிருந்து தப்பிக்க கப்பம் செலுத்த வேண்டுமெனவும் அச்சுறுத்தல் விடுக்கப்படுகிறது.

கப்பம் செலுத்த தவறும் நபர்கள் நாடு கடத்தப்படுவர் என மிரட்டல் விடுக்கப்படுகிறது.” என குறிப்பிட்டுள்ளனர்.

அத்துடன், இவ்வாறான சம்பவங்கள் அதிக எண்ணிக்கையில் இடம்பெற்று வருவதனால், தொலைபேசி ஊடாக தங்களது தனிப்பட்ட விபரங்கள் வங்கி விபரங்கள் போன்றனவற்றை வழங்க வேண்டாம் என காவல்துறையினர் தெரிவித்துள்ளனர்.

மேலும், சீனாவின் மென்ரின் மொழியை சரளமாக பேசும் நபர்களினால் தொலைபேசி அழைப்பு மேற்கொள்ளப்படுவதாகத் தெரிவிக்கப்படுகின்றது.