இஸ்ரேலால் அடுத்தடுத்து சாய்க்கப்பட்ட ஹிஸ்புல்லாவின் பெரும் தலைவர்கள்..!
Dilakshan
in மத்திய கிழக்கு
லெபனானில் (Lebanon) இஸ்ரேலிய (Israel) வான்வழித் தாக்குதல்கள் சமீபத்திய வாரங்களில் குறைந்தது ஏழு உயர்மட்ட ஹிஸ்புல்லா தளபதிகள் மற்றும் அதிகாரிகளைக் கொன்றுள்ளன.
இந்த நிலையில், இஸ்ரேல் தாக்குதலால் கொல்லப்பட்ட ஹிஸ்புல்லா தலைவர்கள் பின்வருமாறு...
ஃபுஆத் ஷுக்ர்
ஹிஸ்புல்லாவின் மிக மூத்த இராணுவ அதிகாரி மற்றும் ஜிஹாத் கவுன்சிலின் உறுப்பினராக ஷுக்ர் செயற்பட்டு வந்ததுடன், நஸ்ரல்லாவின் வலது கரமாகவும் செயற்பட்டு வந்துள்ளார்.
அவர் இறப்பதற்கு முன், அமெரிக்க அரசாங்கம் அவரைப் பற்றியும் அவர் எங்கிருக்கிறார் என்பது பற்றியும் தகவல் தருபவர்களுக்கு $5 மில்லியன் பரிசு வழங்குவதாக அறிவித்திருந்தது.
இதன்படி, அவர் பெய்ரூட்டின் தெற்கு புறநகர் பகுதியில் 2024 ஜூன் 30 அன்று ட்ரோன் தாக்குதலில் கொல்லப்பட்டார்.
Fuad Shukr
இப்ராஹிம் அகில்
அகில், ஹிஸ்புல்லாவின் உயரடுக்கு ரத்வான் படையின் உயர் தளபதி மற்றும் நிறுவனர் ஆவார்.
1983 ஆம் ஆண்டு பெய்ரூட்டில் உள்ள அமெரிக்க தூதரகத்தின் மீதான தாக்குதல் மற்றும் நகரின் மரைன் பாராக்ஸ் மீது குண்டுவீசி தாக்குதல் ஆகியவற்றில் ஈடுபட்டதாக சந்தேகிக்கப்பட்டதற்காக அவரை அடையாளம் காட்டுபவருக்கு 7 மில்லியன் டொலர் அமெரிக்க டாலர்கள் பரிசாக அறிவிக்கப்பட்டது.
இப்ராஹிம் அகில், பெய்ரூட்டின் தெற்கு டஹியே சுற்றுப்புறத்தில் உள்ள குடியிருப்பு கட்டிடத்தில் 2024 செப்டம்ர் 20 அன்று பல தளபதிகளுடன் படுகொலை செய்யப்பட்டார்.
Ibrahim Aqil
அஹ்மத் வெஹ்பே
வெஹ்பே, ஹிஸ்புல்லாவின் உயரடுக்கு ரத்வான் படையின் மூத்த தளபதியாக இருந்தார்.
அவர் பெய்ரூட்டின் தாஹியே மாவட்டத்தில் இப்ராஹிம் அகில் உடன் கொல்லப்பட்டார்.
Ahmad Wehbe
இப்ராஹிம் கோபிசி
கோபிஸ்ஸி ஹிஸ்புல்லாவின் ஏவுகணைப் பிரிவிற்கு தலைமை தாங்கியுள்ளார்.
பெய்ரூட்டின் தெற்கு புறநகர்ப் பகுதியில் நடத்தப்பட்ட வான்வழித் தாக்குதலில் 2024 செப்டம்பர் 25 அன்று அவர் கொல்லப்பட்டார்.
Ibrahim Kobeissi
முகமது சுரூர்
சுரூர், ஹிஸ்புல்லாவின் புதிதாக நிறுவப்பட்ட ட்ரோன் பிரிவின் தலைவராக இருந்ததுடன் லெபனானில் இருந்து இஸ்ரேல் மீது ட்ரோன் மற்றும் கப்பல் ஏவுகணை தாக்குதல்களை மேற்பார்வையிட்டார்.
2024 செப்டெம்பர் 26 அன்று பெய்ரூட்டில் நடந்த தாக்குதலில் அவர் கொல்லப்பட்டார்.
Mohammad Surour
ஹசன் நஸ்ரல்லா
நஸ்ரல்லா, 1992 இல் ஹிஸ்புல்லாவின் தலைவரானார், அவருடைய முன்னாள் தலைவர் அப்பாஸ் முசாவி இஸ்ரேலிய தாக்குதலில் கொல்லப்பட்ட பிறகு. அவர் தனது பதவிக் காலத்தில் லெபனானில் ஹிஸ்புல்லா ஒரு சக்திவாய்ந்த அரசியல் சக்தியாக மாறுவதை மேற்பார்வையிட்டார்.
தெற்கு பெய்ரூட்டில் உள்ள குழுவின் நிலத்தடி தலைமையகத்தில் இஸ்ரேல் 2024 செப்டெம்பர் 27 அன்று நடத்திய வான்வழித் தாக்குதலில் அவர் கொல்லப்பட்டார், அங்கு 20 ஹிஸ்புல்லா பொல்லா உறுப்பினர்களும் இருந்ததாக கூறப்படுகிறது.
Hassan Nasrallah
நபில் கௌக்
ஹிஸ்புல்லாவின் தடுப்புப் பாதுகாப்புப் பிரிவின் தளபதியாகவும், ஹிஸ்புல்லாவின் மத்திய சபையின் உறுப்பினராகவும் கௌக் பணியாற்றினார்.
அவர் ஒக்டோபர் 2020 இல் அமெரிக்காவால் உலகளாவிய பயங்கரவாதியாக அறிவிக்கப்பட்டார்.
பெய்ரூட்டின் சியாஹ் பகுதியில் 2024 செப்டம்பர் 29 அன்று இஸ்ரேல் நடத்திய தாக்குதலில் அவர் கொல்லப்பட்டதாக தெரிவிக்கப்படுகிறது.
Nabil Qaouk
ஹாஷிம் சஃபிதீன்
ஹிஸ்புல்லாவின் நிர்வாக சபையின் தலைவராக சஃபிதீன் பணியாற்றினார்.
சஃபிதீனின் தாய்வழி உறவினரான அப்போதைய தலைவர் ஹசன் நஸ்ரல்லாஹ் படுகொலை செய்யப்பட்டதைத் தொடர்ந்து, அமைப்பின் மிக உயர்ந்த பதவிக்கான வாரிசுகளில் ஒருவராக அவர் காணப்பட்டார்.
இஸ்ரேல் பாதுகாப்புப் படைகள் (IDF) ஒக்டோபர் 22 அன்று பெய்ரூட்டில் மூன்று வாரங்களுக்கு முன்பு நடந்த தாக்குதலில் சஃபிதீன் கொல்லப்பட்டதாக அறிவித்துள்ளது.
Hashem Safieddine
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
