தமிழர் பிரதேசத்தில் நோயாளிக்கு ஏற்பட்ட அவலம்
திருகோணமலை பொது வைத்தியசாலையில் நோயாளியை கொண்டு செல்வதற்கு சக்கர நாற்காலி வழங்கப்படாமையால் அவரின் உறவினர்கள் நோயாளியை தூக்கிக் கொண்டு சென்றுள்ளனர்.
இந்த சம்பவம் இன்று(19) இடம்பெற்றுள்ளது. திருகோணமலை வைத்தியசாலையில் எலும்பு முறிவுக்கு உள்ளாகிய நபர் ஒருவரை சிகிச்சை பெறுவதற்காக கொண்டு சென்ற போது அவருக்கு சக்கர நாற்காலி வழங்கப்படவில்லை.
இதனால் நோயாளியை தூக்கிக் கொண்டு செல்ல வேண்டிய நிலை ஏற்பட்டுள்ளது.
நோயாளிகளின் அவலநிலை
இதுபோன்ற பல சம்பவங்கள் இடம்பெற்று வருவதாகவும் இதனால் நோயாளிகள் பல அசௌகரியங்களை எதிர்நோக்கி வருவதாகவும் தெரிவிக்கப்பட்டுள்ளது.
மேலும், களங்களில் நோயாளிகளுக்கான கட்டில்கள் பற்றாக்குறையின் காரணமாக தரையில் காட்போட் மட்டைகளை விரித்து படுக்க வேண்டி இருப்பதாகவும் நோயாளிகள் தெரிவித்துள்ளளனர்.
திருகோணமலை வைத்தியசாலையில் நிலவும் மருந்து வைத்தியசாலை உபகரணங்கள் மற்றும் வைத்தியர்களின் பற்றாக்குறையின் காரணமாகவும் தொடர்ச்சியாக மேற்கொள்ளப்பட்டுவருகின்ற பணிப்பகிஷ்கரிப்பின் காரணமாகவும் சிறந்த சேவையினை பெற்றுக் கொள்ள முடியாதுள்ளதாகவும் நேயாளிகள் கவலை வெளியிட்டுள்ளனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026