ஜனாதிபதி தேர்தலில் ரணிலுக்கு ஆதரவு : திருகோணமலை மாவட்ட சட்டத்தரணிகள் சங்கம் எதிர்ப்பு
திருகோணமலையில் (Trincomalee) கடந்த 4ஆம் திகதி சட்டத்தரணிகள் சங்கம் ஜனாதிபதி ரணில் விக்ரமசிங்கவை (Ranil Wickremesinghe) சந்தித்து ஜனாதிபதி தேர்தலில் ஆதரவு தெரிவித்ததாக கூறப்படும் செய்தி உண்மைக்கு புறம்பானது என திருகோணமலை மாவட்ட சட்டத்தரணிகள் சங்க தலைவர் எம். சீ. சபறுள்ளா தெரிவித்துள்ளார்.
திருகோணமலை நீதிமன்ற கட்டிடத் தொகுதியில் இன்று (06) இடம்பெற்ற ஊடக சந்திப்பின் போதே அவர் இதனைக் குறிப்பிட்டுள்ளார்.
இங்கு தொடர்ந்தும் கருத்து வெளியிட்ட அவர், ''இம்மாதம் ஓகஸ்ட் 5ஆம் திகதி பத்திரிகை ஒன்றில் ஜனாதிபதி ரணிலுக்கு திருகோணமலை மாவட்ட சட்டத்தரணிகள் சங்கம் ஆதரவு என வெளியான செய்தி உண்மைக்கு புறம்பான செய்தியாகும்.
ஜனாதிபதியுடன் சந்திப்பு
இந்த செய்தியை வெளியிட்ட அதே நிறுவனம் எங்களது மறுப்பறிக்கையினை அதே முன்பக்கத்தில் வெளியிட வேண்டும்.
தனிப்பட்ட அரசியல் அபிலாஷைகளுக்காக சில சட்டத்தரணிகள் 04.08.2024 அன்று ஜனாதிபதியை சந்தித்தனர்.
நடக்காததை நடந்தது என கூறுவது அதிர்ச்சியை ஏற்படுத்தியுள்ளது. ஜனாதிபதியினால் சட்டத்தரணிகள் சங்கத்துக்கு எந்தவித அழைப்பும் கிடைக்கவில்லை.
கோரிக்கை கடிதம்
இது மக்களை பிழையாக வழிநடாத்துகின்ற செய்தியாகும். இது தவிர வேறு ஒளி, ஒலி ஊடகங்களிலும் உண்மைக்கு புறம்பான செய்தி வெளியிடப்பட்டுள்ளது.
எனவே இதனை கைவாங்கி மறுப்பு தெரிவிக்க வேண்டும். சட்டரீதியான நடவடிக்கைக்காக கோரிக்கை கடிதம் அனுப்ப தயார் நிலையில் உள்ளோம்“ என தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
புங்குடுதீவு 7ம் வட்டாரம், London, United Kingdom
30 Jun, 2012
