ஈரானை சீண்டிய ட்ரம்பின் அதிரடி கருத்து: வெடித்த சர்ச்சை

ஈரானின் (Iran) உயர் அதிகாரி அயதுல்லா அலி கமேனி (Ali Khamenei), போர்நிறுத்தத்திற்கு பின்னர் தாம் வெற்றி பெற்றதாக அறிவித்ததற்கு அமெரிக்க (United States) ஜனாதிபதி டொனால்ட் ட்ரம்ப் (Donald Trump) எதிர்ப்பு தெரிவித்து எச்சரிக்கும் வகையில் கருத்து வெளியிட்டுள்ளார்.

இதனடிப்படையில், அலி கமேனியை நான் மிகவும் கேவலமான மற்றும் இழிவான மரணத்திலிருந்து காப்பாற்றினேன், அவர் அதற்கு நன்றி ஜனாதிபதி ட்ரம்ப் என தெரிவிக்க வேண்டியதில்லை என அவர் குறிப்பிட்டுள்ளார்.

குறித்த விடயத்தை தனது சமூக ஊடக பக்கத்தில் பதிவொன்றை வெளியிட்டு அவர் குறிப்பிட்டுள்ளார்.

இஸ்ரேல் தாக்கும் தருணத்தில், அமெரிக்கா ஈரானுடன் ரகசிய பேச்சுவார்த்தை!

 தீய அணுசக்தி

இது தொடர்பில் அவர் வெளியிட்டுள்ள சமூக ஊடக பதிவில், "போரினால் பாதிக்கப்பட்ட ஈரான் நாட்டின் உயர் தலைவர் என்று அழைக்கப்படும் அயதுல்லா அலி கமேனி, இஸ்ரேலுடனான போரை வென்றதாக இவ்வளவு வெளிப்படையாகவும் முட்டாள்தனமாகவும் ஏன் தெரிவிக்கின்றார்.

அவரது கூற்று பொய் என்று அவருக்குத் தெரியும், மிகுந்த நம்பிக்கை கொண்ட மனிதராக, அவர் பொய் சொல்லக்கூடாது.

அவரது நாடு அழிக்கப்பட்டது, அவரது மூன்று தீய அணுசக்தி தளங்கள் அழிக்கப்பட்டன, மேலும் அவர் எங்கு அடைக்கலம் பெற்றார் என்பது எனக்குத் தெரியும்.

உலகின் மிகப்பெரிய மற்றும் மிகவும் சக்திவாய்ந்த இஸ்ரேல் அல்லது அமெரிக்க ஆயுதப் படைகளை அவரது உயிரை முடிவுக்குக் கொண்டுவர நாங்கள் அனுமதிக்கவில்லை.

கனடாவுடனான அனைத்து வர்த்தக பேச்சுகளும் நிறுத்தம்: ட்ரம்ப் அதிரடி

பல ஈரானியர்கள்

நான் அவரை மிகவும் கேவலமான மற்றும் இழிவான மரணத்திலிருந்து காப்பாற்றினேன், அவர் அதற்கு நன்றி ஜனாதிபதி ட்ரம்ப் என தெரிவிக்க வேண்டியதில்லை.

உண்மையில், போரின் இறுதிச் செயலில், இஸ்ரேல் ஒரு பெரிய குழு விமானங்களை மீண்டும் ஈரானுக்கு அனுப்பிய போது அவற்றை திரும்ப வருமாறு நான் கோரினேன், அவை நேரடியாக தெஹ்ரானுக்குச் சென்று கொண்டிருந்தன.

ஒருவேளை அது ஈரானின் முழுமையான அழிவாக இருந்திருக்கலாம், மிகப்பெரிய சேதம் ஏற்பட்டிருக்கும், மேலும் பல ஈரானியர்கள் கொல்லப்பட்டிருப்பார்கள்.

இதுவரை நடந்த போரின் மிகப்பெரிய தாக்குதலாக அது இருந்திருக்கும், கடந்த சில நாட்களாக ஈரான் மீதான பொருளாதாரத் தடைகளை நீக்குவது மற்றும் பிற விடயங்கள் குறித்து நான் ஆய்வு செய்து கொண்டிருந்தேன்.

அவை ஈரானுக்கு முழுமையான, விரைவான மற்றும் முழுமையான மீட்சியைப் பெறுவதற்கு மிகச் சிறந்த வாய்ப்பை அளிக்கும் அடிப்படையிலானவை.

கேரளாவில் சிக்கிய பிரித்தானியாவின் உயர் ரகசிய போர் விமானம்

பொருளாதாரத் தடைகள் 

ஈரானை பொருளாதாரத் தடைகள் மிகவும் பாதிக்கக் கூடியவை ஆனால் அவர்கள் எம் மீது கோபம் மற்றும் வெறுப்பு போன்றவற்றை பதிலாக தருவதால் அறிக்கையால் நான் பாதிக்கப்படுகிறேன்.

அதனால் உடனடியாக தடை நிறுத்துவதை கைவிட்டுவிட்டேன், ஈரான் உலக ஒழுங்கின் பாதையில் மீண்டும் இறங்க வேண்டும் இல்லையெனில் விளைவுகள் அவர்களுக்கு மிக மோசமாகி விடும்.

அவர்கள் எப்போதும் மிகவும் கோபமாகவும், விரோதமாகவும், மகிழ்ச்சியற்றவர்களாகவும் இருக்கிறார்கள்.

அது அவர்களுக்கு என்ன கொடுத்தது என்பதைப் பாருங்கள் எரிந்து போன, வெடித்த நாடு, எதிர்காலம் இல்லாத, ஒரு சீரழிந்த இராணுவம், ஒரு பயங்கரமான பொருளாதாரம் மற்றும் அவர்களைச் சுற்றி மரணம்.

அவர்களுக்கு எந்த நம்பிக்கையும் இல்லை, அது இன்னும் மோசமாகிவிடும், வினிகரை விட தேன் மூலம் நீங்கள் அடிக்கடி நல்லவற்றை பெறுவீர்கள் என்பதை ஈரானின் தலைமை உணர வேண்டும் என்று நான் விரும்புகிறேன்” என அவர் தெரிவித்துள்ளார்.

சர்வதேச மாணவர்களுக்கான வேலை: கனடா அரசின் அதிரடி நடவடிக்கை