போதைப் பொருளுடன் இருவர் கைது: கல்முனையில் சம்பவம்

Sri Lanka Police STF Sri Lanka Kalmunai

By Raghav Nov 22, 2024 07:22 AM GMT

Raghav

in குற்றம்

Report

ஐஸ் ரக போதைப் பொருட்களை நீண்ட காலமாக சிறு பொதி செய்து வியாபாரம் செய்து வந்த இரண்டு சந்தேக நபர்களை கல்முனை (Kalmunai) விசேட அதிரடிப்படையினர் கைது செய்துள்ளனர்.

கல்முனை விசேட அதிரடிப்படையினருக்கு (Special Task Force) கிடைக்கப்பெற்ற இரகசிய தகவலின் பேரில் மேற்கொள்ளப்பட்ட சோதனை நடவடிக்கையின் போது குறித்த கைது நடவடிக்கையானது நேற்றையதினம் (21.11.2024) இடம்பெற்றுள்ளது.

இதன் போது கல்முனைக்குடி 9 பிரிவு மதிரிஸா வீதியில் வசிக்கும் 26 வயதுடைய 2 பிள்ளைகளின் தந்தை 970 மில்லி கிராம் ஐஸ் போதைப் பொருளுடனும் கல்முனைக்குடி 2 ஆம் பிரிவு கிறீன் பீல்ட் பகுதியைச் சேர்ந்த 20 வயதுடைய சந்தெக நபர் 870 மில்லி கிராம் போதைப் பொருளுடனும் கைது செய்யப்பட்டுள்ளனர்.

விசேட அதிரடிப்படை

கைதான 2 சந்தேக நபர்களையும் கல்முனை காவல் நிலையத்தில் ஒப்படைத்த கல்முனை விசேட அதிரடிப்படையினர் மேலதிக விசாரணைகளை மேற்கொண்டுள்ளனர்.

போதைப் பொருளுடன் இருவர் கைது: கல்முனையில் சம்பவம் | Two Arrested With Ice Drugs

மேலும் இந்த கைது நடவடிக்கையானது கல்முனை விசேட அதிரடிப்படை முகாம் பொறுப்பதிகாரி காவல்துறை பரிசோதகர் ஆர்.ஏ.டி.சி.எஸ்.ரத்நாயக்கவின் பணிப்புரைக்கமைய முன்னெடுக்கப்பட்டுள்ளது.

அத்துடன் கடந்த சில தினங்களாக இப்பகுதியில் ஐஸ் போதைப்பொருள்கள் அதிகளவாக மீட்கப்பட்டு வருகின்றமை குறிப்பிடத்தக்கது.

மேலதிக செய்திகள் : - பாறுக் ஷிஹான்