ஆசியாவின் சிறந்த கடற்கரைகளின் பட்டியலில் இலங்கை கடற்கரைகளுக்கு கிடைத்துள்ள இடம்!

Sri Lanka Tourism Sri Lankan Peoples Tourism

By Dhilak Feb 23, 2026 11:58 AM GMT

Dhilak

in சமூகம்

Report

இலங்கையின் இரண்டு கடற்கரைகள் ஆசியாவின் சிறந்த கடற்கரை இடங்களாகத் தேர்வு செய்யப்பட்டுள்ளன./ 2026 ஆம் ஆண்டுக்கான ட்ரிபேட்வைசர் (Tripadvisor) வெளியிட்ட சிறந்த கடற்கரைகளில் பட்டியலில் இது தெரிவிக்கப்பட்டுள்ளது.

அதில் ஆசியாவின் சிறந்த கடற்கரைகளாக இலங்கையின் மிரிஸ்ஸ கடற்கரை ஐந்தாவது இடத்தையும் மற்றும் பென்தோட்ட கடற்கரை ஏழாவது இடத்தையும் பெற்றுள்ளது.

12 மாத காலப்பகுதியில் பயனர்களிடமிருந்து அதிகளவில் சிறந்த மதிப்பீடுகளும் பாராட்டுகளும் பெற்ற இடங்களுக்கு இந்த அங்கீகாரம் வழங்கப்படுகிறது.

மிரிஸ்ஸ கடற்கரை

தளத்தில் உள்ள எட்டு மில்லியனுக்கும் அதிகமான பட்டியல்களில் ஒன்றுக்கு குறைவான சதவீதம் மட்டுமே இதற்கான விருதைப் பெறுகிறது.

ஆசியாவின் சிறந்த கடற்கரைகளின் பட்டியலில் இலங்கை கடற்கரைகளுக்கு கிடைத்துள்ள இடம்! | Two Sri Lankan Beaches Ranked As Best In Asia

இந்த நிலையில், மிரிஸ்ஸ கடற்கரை, அழகிய மணற்கரைகள் மற்றும் தெளிந்த நீர் காரணமாக ஓய்வுக்கும் சாகசத்திற்கும் ஏற்ற இடமாக குறிப்பிடப்பட்டுள்ளது.

பாறை அமைப்புகளுக்கு அருகில் அமைதியான நீரில் நீந்தலாம்; மத்திய பகுதியில் அலைச்சறுக்கலையும் அனுபவிக்கலாம். மேற்குப் பகுதியில் “Mirissa Right” என அழைக்கப்படும் பிரபல அலைச்சறுக்கு இடமும் உள்ளது.

மாலை நேரத்தில் கடற்கரை உணவகங்களால் சுறுசுறுப்பாக மாறி, பசுமையான கடலுணவுகள் வழங்கப்படுகின்றன. Coconut Tree Hill பகுதியிலிருந்து சூரிய அஸ்தமனக் காட்சியும் சிறப்பாகக் காணலாம் என குறிப்பிடப்பட்டுள்ளது.

பென்தோட்ட கடற்கரை

இதேவேளை, தென்மேற்கு கடற்கரை பகுதியில் அமைந்துள்ள பென்தோட்ட கடற்கரை, ஜெட் ஸ்கீயிங் மற்றும் கைட் சர்ஃபிங் (kitesurfing) போன்ற நீர்விளையாட்டுகளுக்காகப் பிரபலமானதாகச் சுட்டிக்காட்டப்பட்டுள்ளது.