பிரித்தானியாவில் வேலை தேடுவோருக்கான மகிழ்ச்சி தகவல்..! 27 லட்சத்துடன் வேலைவாய்ப்பு
பிரித்தானியாவில் ஆண்டுக்கு ரூ. 27,00,000 சம்பளத்துடன் இந்திய ஆசிரியர்களுக்கு அதிக வேலை வாய்ப்புகள் உள்ளதாக அறிவிக்கப்பட்டுள்ளது.
அதன்படி, International Relocation Payments (IRP) திட்டத்தின் கீழ் இந்த பாடங்களுக்கு நூற்றுக்கணக்கான ஆசிரியர்களை நியமிக்க பிரித்தானிய அரசாங்கம் திட்டமிட்டுள்ளது.
இதன்படி பிரித்தானியாவில் கணிதம், அறிவியல் மற்றும் மொழி பாடங்களைக் கற்பிக்கும் இந்திய ஆசிரியர்களுக்கு வெற்றிடம் உள்ளதாக தகவல்கள் வெளியாகியுள்ளன.
சம்பளத்துடன் வேலைவாய்ப்பு
இந்தியா, நைஜீரியா போன்ற நாடுகளிலிருந்து நூற்றுக்கணக்கான கணிதம், அறிவியல் மற்றும் மொழி ஆசிரியர்கள் பிரித்தானியாவுக்கு கொண்டு வரப்படுவார்கள் என்றும், மேலும் மற்ற நாடுகளுக்கும், பாடங்களுக்கும் ஆட்சேர்ப்பு திட்டங்களை விரிவுபடுத்த திட்டமிடப்பட்டுள்ளதாகவும் தெரிவிக்கப்பட்டுள்ளது.
இந்த வெளிநாட்டு ஆட்சேர்ப்பு திட்டம் தற்காலிக தீர்வு என்று பிரித்தானியாவின் தேசிய தலைமை ஆசிரியர் சங்கத்தின் பொதுச்செயலாளர் பால் வைட்மேன் கூறியுள்ளார்.
2023 முதல் 2024 கல்வியாண்டில் சோதனை திட்டமாக நடத்தப்படும் International Relocation Payments, பிரித்தானியாவில் வேலை வாய்ப்புள்ள வெளிநாட்டு ஆசிரியர்களுக்கு பொருந்தும் என அறிவிக்கப்பட்டுள்ளது.
இத்திட்டத்தின் கீழ் அவர்களின் விசாக்கள், குடிவரவு சுகாதார கூடுதல் கட்டணம் மற்றும் பிற இடமாற்றச்செலவுகள் ஆகிய அனைத்து செலவுகளுக்கும் பிரித்தானிய அரசே பொறுப்பேற்கும் என தெரிவிக்கப்பட்டுள்ளன.
பிரித்தானியாவின் IRP ஆசிரியர் ஆட்சேர்ப்பு திட்டத்தில் இந்தியா, கானா, சிங்கப்பூர், ஜமைக்கா, நைஜீரியா, தென்னாப்பிரிக்கா மற்றும் ஜிம்பாப்வே ஆகிய நாடுகளும் சேர்க்கப்பட்டுள்ளன.
தேவையான தகுதிகள்
தகுதியான ஆசிரியர்கள் பட்டம் பெற்றிருக்க வேண்டும், அங்கீகரிக்கப்பட்ட ஆசிரியர் - பயிற்சித் தகுதிகள் மற்றும் குறைந்தபட்சம் ஒரு வருட அனுபவம் பெற்றிருக்க வேண்டும், மேலும் அவர்கள் இளங்கலை நிலை வரை ஆங்கிலம் பேச வேண்டும்.
அத்தகைய வல்லுநர்கள் பிரித்தானியாவில் பணிபுரிய விசாக்களுக்குத் தகுதியுடையவர்கள், அவர்களுக்கு வேலை வாய்ப்பு இருந்தால் மற்றும் அவர்களின் பங்கைப் பொறுத்து குறைந்தபட்ச சம்பளத்தைப் பெறுவார்கள், அது பொதுவாக ஆண்டுக்கு ₹ 27 லட்சம் (ஜிபிபி 27,000) என தெரிவிக்கப்பட்டுள்ளது.
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
