பிரித்தானியா இலங்கைக்கு வழங்கிய சலுகை என்ன..! வெளியாகப்போகும் அறிக்கை

இலங்கைக்கு வரி இல்லாத ஏற்றுமதிக்காக பிரித்தானியா வழங்கிய சலுகைகள் குறித்த தொழில்நுட்ப அறிக்கையை 5 வாரங்களுக்குள் வெளியிடுவதாக இலங்கையில் உள்ள பிரித்தானிய உயர் ஸ்தானிகராலயம் கூட்டு ஆடை சங்கங்கள் மன்றத்திற்கு (JAAF) தெரிவித்துள்ளது.

குறித்த விடயத்தை அந்த மன்றத்தின் பொதுச் செயலாளர் யோஹான் லாரன்ஸ் தென்னிலங்கை ஊடகமொன்றுக்கு குறிப்பிட்டுள்ளார்.

புதிய முறையின் கீழ் பிரித்தானியாவுக்கு என்ன பொருட்களை அனுப்பலாம்? எவ்வளவு ஏற்றுமதி செய்யலாம்? தொடர்புடைய தொழில்நுட்ப அறிக்கையின் ரசீது அடிப்படையில் அது முடிவு செய்யப்படும் என்று அவர் தெரிவித்துள்ளார்.

ஈஸ்டர் தாக்குதல் சூத்திரதாரியின் நிலத்திற்கு படையெடுத்துள்ள காட்டு யானைகள்!

இலங்கை பெறும் சலுகைகள்

ஆடைகள் மற்றும் ஒட்டுமொத்த ஏற்றுமதிகளுக்கு பிரித்தானியாவிடமிருந்து இலங்கை பெறும் சலுகைகளின் அளவை அறிக்கையின் அடிப்படையில் தீர்மானிக்க முடியும் எனவும் லாரன்ஸ் கூறியுள்ளார்.

தற்போதைய வர்த்தக திட்டத்தின் கீழ், சுமார் 50% ஆடை பொருட்கள் நாட்டிலிருந்து பிரித்தானியாவுக்கு ஏற்றுமதி செய்யப்படுகின்றன என்றும் இது ஒரு பிரச்சினை என்றும் அவர் சுட்டிக்காட்டியுள்ளார்.

அதன்படி, 2026 ஆம் ஆண்டிற்கான பிரித்தானிய வர்த்தகத் திட்டத்தின் கீழ் இலங்கை பெறும் இந்த வரி நிவாரணம், அமெரிக்க ஜனாதிபதி டொனால்ட் ட்ரம்பின் வரி விதிப்புகளை எதிர்கொள்ளும் போது சாதகமாக இருக்கும் என்று பொதுச் செயலாளர் குறிப்பிட்டுள்ளார்.

தென்னிலங்கையில் கோரம்! மனைவியின் கண்முன்னே படுகொலை செய்யப்பட்ட கணவர்

வரி இல்லாத ஏற்றுமதி

பிரித்தானிய வணிகம் மற்றும் வர்த்தகத் துறையின் முடிவின்படி, இந்த வரி இல்லாத ஏற்றுமதி ஊக்கத்தொகையை நாட்டிற்கு வழங்கியுள்ளது.

வளரும் நாடுகளின் வர்த்தகத் திட்டத்தின் கீழ் நைஜீரியா, இலங்கை, பிலிப்பைன்ஸ் மற்றும் ஆசிய மற்றும் ஆப்பிரிக்க நாடுகள் பிரித்தானிய சந்தைக்கு வரி இல்லாத ஏற்றுமதி செய்ய அனுமதிக்கப்படும் என்று பிரித்தானிய வணிகம் மற்றும் வர்த்தகத் துறை சமீபத்தில் (ஜூலை 10) தனது அதிகாரப்பூர்வ வலைத்தளத்தில் தெரிவித்துள்ளது.

அதனடிப்படையில் ஆடைகள், உணவு, மின்னணு சாதனங்கள் போன்ற ஏற்றுமதிப் பொருட்களை பிரித்தானியாவுக்க வரி இல்லாத முறையில் அனுப்பலாம் என்பது குறிப்பிடத்கத்தக்கது.

ஆசிரியராக விரும்புவோருக்கு வெளியான முக்கிய அறிவிப்பு