முழுமையாக டிஜிட்டல் மயமான பிரித்தானிய விசா: வெளியான அறிவிப்பு
2026 பெப்ரவரி 25 முதல் அல்லது அதற்குப் பின்னர் விண்ணப்பிக்கப்படும் பிரித்தானிய விஜய விசாக்களுக்கு இனி கடவுச்சீட்டில் விசா ஸ்டிக்கர் (Vignette) ஒட்டப்படமாட்டாது என அறிவிக்கப்பட்டுள்ளது.
இந்தநிலையில், அதற்குப் பதிலாக முழுமையாக டிஜிட்டல் மயமாக்கப்பட்ட eVisa முறைமை அறிமுகப்படுத்தப்பட்டுள்ளது.
இதனடிப்படையில், விசா அங்கீகரிக்கப்பட்டதும் கடவுச்சீட்டில் ஸ்டிக்கர் ஒட்டப்படமாட்டாது.
விசா விபரங்கள்
விசா விபரங்கள் இணையவழியில் (UKVI account) டிஜிட்டல் முறையில் சேமிக்கப்படும்.
முன்னதாக விசா ஸ்டிக்கர் ஒட்டுவதற்காக விசா மையத்தில் (VAC) கடவுச்சீட்டை ஒப்படைக்க வேண்டும் இனி அந்தத் தேவை இல்லை.
நீங்கள் உங்கள் கடவுச்சீட்டை உங்களுடனேயே வைத்திருக்கலாம்.
அத்தோடு BRP அட்டைகள் மற்றும் காகித முத்திரைகள் படிப்படியாக நீக்கப்பட்டு, அவுஸ்திரேலியாவைப் போன்ற டிஜிட்டல் முறைமை பின்பற்றப்படுகிறது.
பயணத்தை ஆரம்பிக்கும் முன் பிரித்தானிய அரசின் அதிகாரப்பூர்வ இணையதளத்தில் கடவுச்சீட்டு மற்றும் மின்னஞ்சலைப் பயன்படுத்தி இலவசமாகக் கணக்கை உருவாக்கவும்.
இதையடுத்து, விசா அங்கீகரிக்கப்பட்டதும் அதனைக் கணக்கின் மூலம் சரிபார்க்கவும்.
எதிர்கால வசதி
இதனடிப்படையில், eVisa-வில் உள்ள கடவுச்சீட்டு விபரங்களும் பயணிக்கப் பயன்படுத்தும் கடவுச்சீட்டும் ஒன்றாக இருப்பதை உறுதி செய்யவும்.
பயணத்திற்கு குறைந்தது 24 மணிநேரத்திற்கு முன்னதாக UKVI கணக்கில் உள்நுழைந்து விபரங்களைச் சரிபார்க்கவும்.
இந்தநிலையில், புதிய கடவுச்சீட்டைப் பெற்றால் உடனடியாக UKVI கணக்கில் விபரங்களைப் புதுப்பிக்க வேண்டும் இல்லையெனில் விமானத்தில் ஏற அனுமதி மறுக்கப்படலாம்.
வேலைவாய்ப்பு அல்லது வாடகை ஒப்பந்தங்களுக்கு விசா தகுதியை நிரூபிக்க கணக்கின் மூலம் Share Code ஒன்றை உருவாக்கிப் பயன்படுத்தலாம்.
ஏற்கனவே பழைய விசா ஸ்டிக்கர் இருந்தால் அதன் காலம் முடியும் வரை செல்லுபடியாகும்.
இருப்பினும், எதிர்கால வசதிக்காக இப்போதே UKVI கணக்கை உருவாக்கி eVisa-வைச் சரிபார்த்துக்கொள்ளுமாறு அறிவுறுத்தப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
அளவெட்டி வடக்கு, கொழும்பு, New Jersey, United States, Scarborough, Canada
23 May, 2026
கொழும்பு, புங்குடுதீவு 10ம் வட்டாரம், ஜேர்மனி, Germany, Scarborough, Canada
25 May, 2021
உடுவில் தெற்கு, Stuttgart, Germany, Scarborough, Canada
10 Jun, 2025
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
மட்டக்களப்பு, Lusaka, Zambia, மஹிகெங், Mahikeng, South Africa
26 May, 2026
கொட்டடி, யாழ்ப்பாணம், நல்லூர், கொக்குவில், Northolt, United Kingdom
23 May, 2026
மாத்தளை, கிளிநொச்சி, புங்குடுதீவு 3ம் வட்டாரம், புங்குடுதீவு குறிகட்டுவான், Villeneuve-Saint-Georges, France
22 May, 2026
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015