உக்ரைன் இராணுவத்தில் இணைய விரும்பியுள்ள இராணுவ வீரர் - வெளியாகியுள்ள தகவல்!
பிரிட்டன் இராணுவ வீரர் மார்க் அயர்ஸ், உக்ரைன் இராணுவத்தில் சேர விருப்பம் தெரிவித்து தலைநகர் கீவ் சென்றுள்ளதாக தெரிவிக்கப்பட்டுள்ளது.
உக்ரைன் நிலைமை குறித்து தான் தொலைகாட்சியில் பார்த்ததாகவும், அங்குள்ள மக்கள், இராணுவம் மற்றும் அதிபர் ஜெலன்ஸ்கி ஆகியோர் தமக்கு உத்வேகம் அளித்துள்ளதாகவும் ஸ்கை செய்தி நிறுவனத்திற்கு அளித்துள்ள பேட்டியில் அவர் கூறியுள்ளார்.
மேலும் அவர் இது தொடர்பாக தெரிவித்துள்ளதாவது,
இராணுவத்தில் பணியாற்றிய அனுபவம் தமக்கு உள்ளதாகவும், அதைப் பயன்படுத்தி, உக்ரைன் இராணுவத்திற்கு தமது பங்களிப்பை வழங்கவுள்ளதாகவும் அவர் தெரிவித்துள்ளார்.
உக்ரைனில் உள்ள தமக்கு தெரிந்தவர்களையும் இராணுவத்தில் இணைக்க முடியும் என்றும், உக்ரைன் இராணுவத்தில் சேவையாற்ற தாம் எவ்வளவு காலம் வேண்டுமானாலும் அங்கு தங்குவதற்கு தயாராக இருப்பதாகவும் மார்க் அயர்ஸ் குறிப்பிட்டுள்ளார்.
உக்ரைனில் ரஷ்யாவிற்கு எதிராக போரிடுவதற்காக அந்நாட்டு மக்களை இராணுவத்தில் சேருமாறு அதிபர் ஜெலன்ஸ்கி அழைப்பு விடுத்திருந்தார். இந்நிலையில் 18 முதல் 60 வயதிற்கும் இடைப்பட்ட உக்ரைனிய ஆண்கள் நாட்டை விட்டு வெளியேறுவதற்கு அந்நாட்டு அரசு தடை செய்துள்ளது.
இதனையடுத்து
உக்ரைன் இராணுவத்தில் சேருவதற்கு ஏராளமானோர் முன்வந்துள்ளனர். தலைநகர் கீவ்வில், இராணுவத்தில் சேர நூற்றுக்கணக்கான உக்ரைன் ஆண்கள் வரிசையில் நிற்பதாக தகவல்கள் வெளியாகியுள்ளன.
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
