காசாவில் உடனடி போர் நிறுத்தத்தை வலியுறுத்தி ஐ.நா பொதுச் சபையில் வாக்கெடுப்பு

United Nations United States of America Israel-Hamas War Gaza

By Sathangani Dec 13, 2023 06:23 AM GMT

Sathangani

in உலகம்

Report

இஸ்ரேல் - ஹமாஸ் இடையே போர் இடம்பெற்றுவரும் நிலையில் காசாவில் உடனடி போர் நிறுத்தத்தை வலியுறுத்தி ஐக்கிய நாடுகள் பொதுச் சபையில் நேற்று (12) வாக்கெடுப்பு நடத்தப்பட்டுள்ளது.

ஐக்கிய நாடுகள் பொதுச் சபையில் உள்ள 193 உறுப்பினர்களில், குறித்த யோசனைக்கு ஆதரவாக பெரும்பான்மை வாக்குகள் வழங்கப்பட்டுள்ளன.

153 நாடுகள் ஆதரவு

இதன்படி, 153 உறுப்பு நாடுகள் காசாவில் உடனடி போர் நிறுத்தத்துக்கு ஆதரவாக வாக்களித்துள்ளதாக தெரிவிக்கப்படுகின்றது.

காசாவில் உடனடி போர் நிறுத்தத்தை வலியுறுத்தி ஐ.நா பொதுச் சபையில் வாக்கெடுப்பு | Un Assembly Votes To Immediate Ceasefire In Gaza

அத்துடன் போர் நிறுத்தத்திற்கு10 நாடுகள் எதிராக வாக்களித்ததுடன் 23 நாடுகள் வாக்களிப்பில் இருந்து விலகியுள்ளமை குறிப்பிடத்தக்கது.

இதேவேளை அமெரிக்கா, பரகுவே, ஆஸ்திரியா மற்றும் இஸ்ரேல் உள்ளிட்ட 10 நாடுகள் யோசனைக்கு எதிராக வாக்களித்துள்ளன.

தற்காலிக போர் நிறுத்தம்

அத்துடன் பிரித்தானியா, ஜேர்மன், இத்தாலி, நெதர்லாந்து மற்றும் உக்ரைன் உள்ளிட்ட 23 நாடுகள் வாக்கெடுப்பில் இருந்து விலகியிருந்ததாக தெரிவிக்கப்படுகிறது.

இந்த வாக்கெடுப்புக்கு முன்னர் கருத்துரைத்த ஐக்கிய நாடுகள் சபைக்கான அமெரிக்க தூதுவர் லிண்டா தோமஸ் க்ரீன் ஃபீல்ட், தற்போது ஏற்படும் எந்த போர் நிறுத்தமும் தற்காலிகமானது எனத் தெரிவித்தமை குறிப்பிடத்தக்கது.