பயங்கரவாத எதிர்ப்புச் சட்டத்தைத் திருத்தியமைக்குக : அரசுக்கு இடித்துரைக்கும் ஐ.நா நிபுணர்கள்

 முன்மொழியப்பட்ட பயங்கரவாதத்திலிருந்து அரசைப் பாதுகாக்கும் சட்டத்தை (PSTA) சர்வதேச மனித உரிமைகள் தரங்களுடன் முழுமையாக சீரமைக்கும் வகையில் திருத்தியமைக்குமாறு இலங்கை அரசாங்கத்தை ஐ.நா. நிபுணர்கள் வலியுறுத்தியுள்ளனர்.

"இலங்கையில் 26 ஆண்டுகள் நீடித்த கொடூரமான உள்நாட்டுப் போருக்கு முன்னரும், போரின் போதும், போருக்குப் பின்னரும், சிறுபான்மையினர், மனித உரிமைப் பாதுகாவலர்கள், பத்திரிகையாளர்கள் மற்றும் சிவில் சமூகம் ஆகியோருக்கு எதிரான துஷ்பிரயோகங்கள் உட்பட, சித்திரவதை மற்றும் கட்டாயக் காணாமல் போதல் போன்ற பல கடுமையான மனித உரிமை மீறல்களுக்கு வழிவகுத்த 1979 ஆம் ஆண்டின் பயங்கரவாதத் தடுப்புச் சட்டத்தை ரத்து செய்வதற்கான முன்மொழிவை நாங்கள் வரவேற்கிறோம்," என்று நிபுணர்கள் கூறினர்.

சட்டமூலத்தில் சில முக்கிய கவலைகள்

இலங்கை அரசாங்கம் PSTA-வின் மிகவும் மேம்படுத்தப்பட்ட சமீபத்திய வரைவை முன்வைத்துள்ளது என்பதை அவர்கள் குறிப்பிட்டனர், ஆனால் குறித்த சட்டமூலத்தில் சில முக்கிய கவலைகள் இன்னும் நிவர்த்தி செய்யப்பட வேண்டியுள்ளது என்றும் வலியுறுத்தினர்.

 மரணம் அல்லது கடுமையான காயத்தை ஏற்படுத்தும் செயல்களுக்கு மட்டுமே பயங்கரவாதத்தின் வரையறையைச் சுருக்குதல், கைது மற்றும் தேடுதலுக்கான இராணுவ அதிகாரங்களைக் கட்டுப்படுத்துதல், தடுப்புக் காவல் உத்தரவுகள் உடனடி நீதித்துறை மேற்பார்வைக்கு உட்படுத்தப்படுவதை உறுதி செய்தல், மற்றும் கட்டுப்படுத்தும் முடிவுகளைக் கொண்ட உண்மையான சுதந்திரமான மறுஆய்வுக் குழுவை நிறுவுதல் ஆகியவை முக்கிய பரிந்துரைகளில் அடங்கும்.

அநுரவின் கைகளை சென்றடையவுள்ள இரகசிய தீர்மானம்!

மனித உரிமைகளைக் கண்டிப்பாகக் கடைப்பிடிப்பது அவசியம்

சித்திரவதை அல்லது கொடுமைப்படுத்துதல் மூலம் பெறப்பட்ட ஆதாரங்களை முழுமையாக விலக்குதல், பத்திரிகை ஆதாரங்கள் மற்றும் தொழில்முறை இரகசியத்தன்மைக்கான பாதுகாப்புகள், மற்றும் தவறான செயல்களில் ஈடுபட்ட அதிகாரிகளுக்கான விலக்குரிமைகளை நீக்குதல் உள்ளிட்ட கடுமையான நடைமுறைப் பாதுகாப்புகளுக்கும் நிபுணர்கள் அழைப்பு விடுத்தனர்.

பயனுள்ள பயங்கரவாத எதிர்ப்பு நடவடிக்கைகளுக்கு மனித உரிமைகளைக் கண்டிப்பாகக் கடைப்பிடிப்பது அவசியம் என்பதை வலியுறுத்திய ஐ.நா. நிபுணர்கள், சட்டமூத்தை செம்மைப்படுத்த அரசாங்கத்திற்கு உதவ தொழில்நுட்ப உதவியை வழங்கதயாராக இருப்பதாகவும் தெரிவித்துள்ளனர்.

இலங்கையில் இருந்து ஏவப்பட்ட செயற்கைகோளுக்கும் நிலக்கரி இறக்குமதி மோசடிக்கும் தொடர்பு