துபாயில் சிக்கிய முக்கிய குற்றவாளி! காவல்துறையின் அதிரடி
Dilakshan
in பாதுகாப்பு
கட்டுநாயக்க சர்வதேச விமான நிலையத்தில், ஒழுங்கமைக்கப்பட்ட குற்றச் செயல்களில் ஈடுபட்டதாக சந்தேகிக்கப்படும் ஸ்ரீ தரண் நெரஞ்சன் என்ற "டிங்கர்" என்பவர் கைது செய்யப்பட்டுள்ளார்.
துபாயில் இருந்து நாடு கடத்தப்பட்ட பின்னர் இலங்கை திரும்பியபோது, அவர் இவ்வாறு கைது செய்யப்பட்டதாக தெரிவிக்கப்படுகிறது.
கொழும்பு 15 ஐச் சேர்ந்த 36 வயதான சந்தேக நபர், நேற்று(30) இரவு காவலில் எடுக்கப்பட்டு, குற்றப் புலனாய்வு திணைக்களத்திடம்(CID) ஒப்படைக்கப்பட்டு, பின்னர் மேலதிக விசாரணைக்காக பேலியகொட காவல் நிலையத்திற்கு மாற்றப்பட்டுள்ளார்.
முக்கிய குற்றச்சாட்டுகள்
ஒழுங்கமைக்கப்பட்ட குற்றம் மற்றும் போதைப்பொருள் கடத்தலில் ஈடுபட்ட பிரபல பாதாள உலகத் தலைவரான "கொச்சிக்கடை ஷிரான்" என்றும் அழைக்கப்படும் பழனி ஷிரான் குளோரியனின் நெருங்கிய கூட்டாளியாக டிங்கர் அடையாளம் காணப்பட்டுள்ளார்.
2024 ஆம் ஆண்டு கிராண்ட்பாஸில் உள்ள மாவத்த பொது மயானத்திற்கு அருகில் நடந்த துப்பாக்கிச் சூடு சம்பவத்தில் டிங்கர் ஓட்டுநராக செயல்பட்டதாக அதிகாரிகள் குற்றம் சாட்டுகின்றனர்.
அத்துடன், பேலியகொடை ஸ்ரீ ஞானரத்ன மாவத்தையில் நடந்த மற்றொரு துப்பாக்கிச் சூட்டில், ஒருவர் கொல்லப்பட்டு மற்றொருவர் படுகாயமடைந்ததிலும், கும்பலுக்காக துப்பாக்கிகளை கொண்டு சென்றதிலும் அவர் ஈடுபட்டதாக குற்றம் சாட்டப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 10ம் வட்டாரம், புங்குடுதீவு 9ம் வட்டாரம், யாழ்ப்பாணம், கொழும்பு
12 Oct, 2005
