மலையக தொடருந்து சேவைகள் நானு ஓயா வரை மட்டுப்படுத்தப்பட்டுள்ளது!

Sri Lanka Upcountry People Sri Lanka Railways Department of Railways

By Kathirpriya Nov 23, 2023 06:21 AM GMT

Kathirpriya

in சமூகம்

Report

நாட்டில் தொடரும் சீரற்ற காலநிலை காரணமாக மலையகத்திற்கான தொடருந்து சேவைகள் மறு அறிவித்தல் வரை நானு ஓயா தொடருந்து நிலையம் வரை மட்டுப்படுத்தப்பட்டுள்ளதாக புகையிரதத் திணைக்களம் தெரிவித்துள்ளது.

மலையகத்திலுள்ள தொடருந்துப் பாதையில் மண் மேடு சரிந்து விழுந்ததில் நேற்று நான்கு தடவைகள் தொடருந்து பாதைகள் தடைபட்டதாக திணைக்களம் தெரிவித்துள்ளது.

தொடருந்துகள் ரத்து செய்யப்பட்டன

மத்திய மலைநாட்டில் பெய்து வரும் அதிக மழை காரணமாக நேற்றைய தினம் இரண்டு இரவு நேர அஞ்சல் தொடருந்துகள் ரத்து செய்யப்பட்டன.

மலையக தொடருந்து சேவைகள் நானு ஓயா வரை மட்டுப்படுத்தப்பட்டுள்ளது! | Upcountry Train Services Limited To Nanu Oya

தவிரவும் நேற்று (22) அதிகாலை 5 மணியளவில் 31ஆம் இலக்க சுரங்கப்பாதைக்கு அருகில் மண்மேடு சரிந்து வீழ்ந்தமையினால் ஒஹிய மற்றும் இடல்கசின்ன நிலையங்களுக்கு இடையிலான தொடருந்து பாதைகள் தடைப்பட்டன.

போக்குவரத்து தடைப்பட்டுள்ளது

பின்னர் தண்டவாளத்தின் சுத்தப் பணிகள் நிறைவடைந்ததன் பின்னர், அதே இடத்தில் காலை 10.30 மணிக்கும் இரண்டாவது முறையாகவும், 12.30 மணிக்கு மூன்றாவது முறையாகவும் மண்மேடு சரிந்து விழுந்து போக்குவரத்து தடைபட்டது.

இதேவேளை, நேற்றிரவு (22) 10.15 மணியளவில் மண்மேடு சரிந்து வீழ்ந்தமையினால் ஹாலி-எல மற்றும் தெமோதர ஆகிய பகுதிகளுக்கு இடையிலான புகையிரதப் பாதையின் போக்குவரத்தும் தடைப்பட்டுள்ளமை குறிப்பிடத்தக்கது.