இந்தியாவிற்கு அமெரிக்கா கடும் நெருக்கடி: சூரிய மின்சக்தி தகடுகளுக்கு 126% வரி விதிப்பு
இந்தியாவிலிருந்து இறக்குமதி செய்யப்படும் சூரிய மின்கலங்கள் மற்றும் தகடுகளுக்கு அமெரிக்கா 126 சதவீத வரி விதித்துள்ளது.
அமெரிக்காவின் சூரிய சக்தி இறக்குமதியில் இந்தியா முக்கிய நாடாக உள்ளது.
2025ஆம் ஆண்டின் முதல் பாதியில் அமெரிக்காவின் சூரிய சக்தி இறக்குமதியில் இந்தியா, இந்தோனேசியா மற்றும் லாவோஸ் ஆகிய நாடுகள் 57 சதவீதப் பங்களிப்பை வழங்கியுள்ளன.
சூரிய மின்கலங்கள்
இந்தநிலையில், இந்தியாவிலிருந்து இறக்குமதி செய்யப்படும் சூரிய மின்கலங்கள் மற்றும் தகடுகளுக்கு அமெரிக்கா 126 சதவீத வரி விதித்துள்ளது.
அதேபோல், இந்தோனேசியாவிற்கு 86 முதல் 143 சதவீதமும், லாவோஸிற்கு 81 சதவீதம் வரையிலும் வரி விதித்துள்ளது.
உள்நாட்டு உற்பத்தியாளர்களுக்குப் பயனளிக்கும் வகையில் அமெரிக்கா இந்த வரியை விதித்துள்ளதாகத் தெரிவிக்கப்பட்டுள்ளது.
இந்தியா தனது உள்நாட்டு உற்பத்திக்கு நியாயமற்ற முறையில் மானியம் வழங்கியதாகத் தெரிவித்து, இந்த வரி விதிப்பை அமெரிக்க வர்த்தகத் துறை அறிவித்துள்ளது.
அமெரிக்கச் சூரிய சக்தி
இது தொடர்பாக அமெரிக்கச் சூரிய சக்தி உற்பத்தி மற்றும் வர்த்தகக் கூட்டணியின் முன்னணி வழக்கறிஞர் டிம் பிரைட்பில் கருத்து தெரிவிக்கையில், "நியாயமற்ற முறையில் வர்த்தகம் செய்யப்படும் இறக்குமதிகள் சந்தையைச் சிதைக்க அனுமதித்தால் அவை வெற்றிபெற முடியாது" எனக் குறிப்பிட்டுள்ளார்.
இந்தநிலையில், அதிக வரி விதிப்பால் இந்தியச் சூரிய மின்சக்தி தகடு உற்பத்தியாளர்களுக்கு அமெரிக்கச் சந்தை கிடைக்காமல் போகலாம் என நிபுணர்கள் தெரிவித்துள்ளனர்.
இதற்கிடையே, அமெரிக்கா வரி விதித்த நிலையில், சூரிய சக்தி நிறுவனங்களின் பங்குகள் 14 சதவீதம் வரையில் சரிவடைந்துள்ளன.
இந்தியா - அமெரிக்கா இடையே வர்த்தக ஒப்பந்தம் சமீபத்தில் எட்டப்பட்ட நிலையில், இந்தியாவின் சூரிய சக்தி இறக்குமதிக்கு அதிக வரி விதிக்கப்பட்டுள்ளது என்பது குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
