முடிவிற்கு வருகிறது ஈரானுடனான போர்நிறுத்தம் : மீண்டும் வெடிக்கப்போகும் மோதல்

  ஈரானுடன் சமீபத்தில் நீடிக்கப்பட்ட போர் நிறுத்தம் ஞாயிற்றுக்கிழமை முடிவடையும் என அமெரிக்கா இஸ்ரேலிடம் கூறியதாக இஸ்ரேலிய ஊடக தகவல்கள் தெரிவிக்கின்றன.

அமெரிக்க ஜனாதிபதி டொனால்ட் ட்ரம்ப், தெஹ்ரானுக்கு நிர்ணயித்த காலக்கெடு இன்னும் சில நாட்களில் முடிவடைய உள்ளது என அமெரிக்க அதிகாரிகள் டெல் அவிவிடம் தெரிவித்ததாக இஸ்ரேலிய பொது ஒளிபரப்பு நிறுவனமான KAN புதன்கிழமை கூறியது.

அமெரிக்காவின் நடவடிக்கைகளில் "குழப்பம்" 

  பெயர் குறிப்பிடப்படாத ஒரு தூதரக வட்டாரத்தை மேற்கோள் காட்டி, காலவரையற்ற பேச்சுவார்த்தைகளில் ஈடுபடுவதை விட, ஈரானுடன் புரிந்துணர்வுகளை எட்ட ட்ரம்ப் முயன்று வருவதாக அந்த ஒளிபரப்பு நிறுவனம் தெரிவித்தது.

ஞாயிற்றுக்கிழமைக்குள் ஒரு திருப்புமுனை ஏற்படுவது சாத்தியமில்லை என்றும் இஸ்ரேலிய வட்டாரங்கள் தெரிவித்தன. அமெரிக்காவின் நடவடிக்கைகளில் "குழப்பம்" நிலவுவதாகவும் அவர்கள் விவரித்தனர். சமீபகாலமாக ஊடக அறிக்கைகள் மற்றும் சமூக ஊடகங்களில் அவரது பதிவுகள் மூலம் ட்ரம்பின் நகர்வுகள் குறித்து தாங்கள் அறிந்து வருவதாகவும் அவர்கள் கூறினர்.

'IRIS Dena' மீதான தாக்குதல் : அமெரிக்காவை எச்சரிக்கும் ஈரான் வெளிவிவகார அமைச்சர்

ட்ரம்பின் முடிவுகளைப் பொறுத்தது 

புதன்கிழமை முன்னதாக, போர் நிறுத்தம் மூன்று முதல் ஐந்து நாட்கள் வரை நீடிக்கலாம் என்று வெள்ளை மாளிகை அதிகாரி ஒருவர் ஃபாக்ஸ் நியூஸிடம் தெரிவித்த நிலையில், நிலைமை இன்னும் தெளிவாக இல்லை என்றும் அது பெரும்பாலும் ட்ரம்பின் முடிவுகளைப் பொறுத்தது என்றும் ஒரு இஸ்ரேலிய வட்டாரம் கூறியதாக அந்த ஒளிபரப்பு நிறுவனம் தெரிவித்தது.

செவ்வாயன்று, பாகிஸ்தானின் கோரிக்கையை ஏற்று ஈரானுடனான போர் நிறுத்தத்தை நீடிப்பதாக ட்ரம்ப் அறிவித்தார். தெஹ்ரான், அவர் "ஒருங்கிணைந்த முன்மொழிவு" என்று விவரித்த ஒன்றை முன்வைக்கும் வரை இந்த போர் நிறுத்தம் அமலில் இருக்கும் என்றும் அவர் கூறினார்.

ஏப்ரல் 8 அன்று போர் நிறுத்தத்திற்கு மத்தியஸ்தம் செய்த பின்னர், ஏப்ரல் 11-12 திகதிகளில் வோஷிங்டனுக்கும் தெஹ்ரானுக்கும் இடையிலான பேச்சுவார்த்தைகளை பாகிஸ்தான் நடத்தியது.

மற்றொரு சுற்று பேச்சுவார்த்தைகளுக்கான முயற்சிகள் நடைபெற்று வருகின்றன, இருப்பினும் நிச்சயமற்ற நிலை நீடிக்கிறது.

ஹோர்முஸ் நீரிணையில் கப்பல்களை கைப்பற்றறும் காணொளியை வெளியிட்ட ஈரான்