இரண்டு முக்கிய வீரர்களுக்கான விசா : இழுத்தடிக்கும் அமெரிக்க தூதரகம்
Sumithiran
in கிரிக்கெட்
சிறி லங்கா கிரிக்கெட் அணியின் இரண்டு முக்கிய வீரர்களான குசல் மெண்டிஸ்(Kusal Mendis )மற்றும் அசித்த பெர்னாண்டோ(Asitha Fernando) ஆகியோர் எதிர்வரும் ஐசிசி ரி 20 உலகக் கோப்பைக்காக அமெரிக்கா செல்வதற்கான விசாவை இன்னும் பெறாததால் இலங்கை கிரிக்கெட் அணி கடைசி நிமிடநேர தாமதத்தை எதிர்கொள்கிறது.
அணியின் மற்ற வீரர்கள் இன்று காலை துபாய் வழியாக நியூயோர்க்கிற்கு புறப்பட்டனர், ஆனால் விசா தாமதம் காரணமாக மெண்டிஸ் மற்றும் பெர்னாண்டோ அவர்களுடன் சேர முடியவில்லை.
விரைவில் விசாவைப் பெறுவார்கள்
இரண்டு கிரிக்கெட் வீரர்களும் கொழும்பில் உள்ள அமெரிக்க தூதரகத்தில் இருந்து விரைவில் விசாவைப் பெறுவார்கள் என்றும், அவை வழங்கப்பட்டவுடன் அமெரிக்கா செல்வார்கள் என்றும் தகவல்கள் தெரிவிக்கின்றன.
இந்த விசா தாமதம் உலகக் கோப்பையில் அவர்கள் பங்கேற்பதில் குறிப்பிடத்தக்க தாக்கத்தை ஏற்படுத்தாது, ஆனால் அது போட்டிக்கான அவர்களின் பயிற்சி அட்டவணையில் தாக்கத்ரைத ஏற்படுத்தலாம் என தெரிவிக்கப்படுகிறது.
விளையாட்டுத்துறை அமைச்சர் வெளியிட்ட தகவல்
"கொழும்பில் உள்ள அமெரிக்க தூதரகம் விரைவில் விசாக்களை வழங்குவதாக எங்களுக்கு உறுதியளித்துள்ளது, மேலும் இந்த விசாக்களை மிகக் குறுகிய காலத்தில் பெறுவதற்கு அவை மிகவும் உதவியாக இருக்கும்" என்று விளையாட்டுத்துறை அமைச்சர் ஹரின் பெர்னாண்டோ(Harin Fernando) குறிப்பிட்டார்.
இந்த நிலைமை குறித்து சிறி லங்கா கிரிக்கெட் நிறுவனம் இதுவரை உத்தியோகபூர்வமாக கருத்து தெரிவிக்கவில்லை. ஜூன் 01, 2024 அன்று உலகக் கோப்பை தொடங்குவதற்கு முன், அணி அமெரிக்காவில் பயிற்சி முகாமை நடத்தும் என்று எதிர்பார்க்கப்படுகிறது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
