நெருக்கடியில் இலங்கை - கடும் கஷ்டத்திற்குள் தள்ளப்படும் மக்கள்! விடுக்கப்பட்டுள்ள எச்சரிக்கை

srilanka colombo economy peoples vajira abeywardena

By S P Thas Sep 29, 2021 10:04 AM GMT

S P Thas

in இலங்கை

Report

அரசாங்கம் முன்னெடுத்து வரும் வினைதிறனற்ற செயற்பாடுகள் காரணமாக நாடு மீண்டும் வரிசையில் நிற்கும் யுகத்தை நோக்கி தள்ளப்பட்டுள்ளது என்று ஐக்கிய தேசியக் கட்சியின் தவிசாளரும் முன்னாள் அமைச்சருமான வஜிர அபேவர்தன (vajira abeywardena) தெரிவித்துள்ளார்.

கொழும்பில் இன்று செய்தியாளர்களிடம் பேசிய போதே அவர் இவ்வாறு குறிப்பிட்டுள்ளார். இதன்போது பேசிய அவர்,

நாட்டின் தற்போதைய அரசாங்கம் சர்வதேச ரீதியாக நாட்டை சரியாக கையாளவில்லை என்பதால், தற்போது, அதிகளவான தொழிற்சாலைகள் மூடப்படும் நிலைமைக்கு வந்துள்ளது. அரசாங்கம் முன்னெடுத்து வரும் வினைதிறனற்ற செயற்பாடுகள் காரணமாக நாடு மீண்டும் வரிசையில் நிற்கும் யுகத்தை நோக்கி தள்ளப்பட்டுள்ளது.

எதிர்வரும் ஏப்ரல், ஆகஸ்ட் மாதங்களில் நாடு பொருளாதார ரீதியாக பாரிய நெருக்கடி நிலைமைக்கு உள்ளாகி, மக்கள் கடும் கஷ்டங்களை எதிர்நோக்க வேண்டியேற்படும்.

வரலாற்றில், வினைதிறனற்ற, பலவீனமாக அரசாங்கங்கள் ஆட்சியில் இருந்த அனைத்து சந்தர்ப்பங்களிலும் நாடு பொருளாதார ரீதியாக அழிவை சந்தித்தது. அப்படியான அனைத்து சந்தர்ப்பங்களிலும் ஐக்கிய தேசியக் கட்சியே நாட்டை மீண்டும கட்டியெழுப்பியது என்றார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்