வாகனதாரிகளுக்கு வெளியான அறிவிப்பு :13 மாதங்களுக்கு பின்னர் ஆரம்பமாகவுள்ள செயற்பாடு
பதின்மூன்று மாதங்களுக்குப் பிறகு, வாகன இலக்கத்தகடுகளை அச்சிடும் பணி நாளை மறுதினம்(08ஆம் திகதி) தொடங்கப்படவுள்ளதாக போக்குவரத்து அமைச்சு தெரிவித்துள்ளது.
சுமார் நான்கரை லட்சம் வாகன இலக்கத்தகடுகள் அச்சிடுவதற்காகக் குவிந்துள்ளதாக மோட்டார் போக்குவரத்துத் திணைக்களம் தெரிவித்துள்ளது.
கேள்வி கோரலில் ஈடுபட்ட போக்குவரத்து அமைச்சு
22 ஆண்டுகளாக வாகன இலக்கத்தகடுகளை அச்சிட்டு வந்த நிறுவனத்தின் ஒப்பந்தக் காலம் கடந்த ஆண்டு ஏப்ரல் 30ஆம் திகதியுடன் முடிவடைந்ததைத் தொடர்ந்து, இலக்கத்தகடுகளை அச்சிடுவதற்கான ஒரு நிறுவனத்தைத் தேர்ந்தெடுப்பதற்காகப் போக்குவரத்து அமைச்சு கொள்முதல் செயல்முறையைத் தொடங்கியது.
அதன்படி, மே 01ஆம் திகதி முதல் வாகன இலக்கத்தகடுகளை அச்சிடும் பணி நிறுத்தப்பட்டு, புதிதாகப் பதிவு செய்யப்பட்ட வாகனங்கள் உட்பட நான்கரை லட்சத்திற்கும் மேற்பட்ட வாகன இலக்கத்தகடுகளை அச்சிடுவதற்காகக் குவிந்துள்ளன.
ஒப்பந்தம் கையெழுத்து : பணிகள் ஆரம்பம்
கொள்முதல் செயல்முறையின் போது பதிவு எண்களை அச்சிடுவதற்காக ஒரு நிறுவனம் தேர்ந்தெடுக்கப்பட்டு, அந்நிறுவனமும் மோட்டார் போக்குவரத்துத் திணைக்களமும் கடந்த மார்ச் மாதம் ஒரு ஒப்பந்தத்தில் கையெழுத்திட்டன.
இந்த நிறுவனம், மோட்டார் போக்குவரத்துத் திணைக்களத்தின் வேரஹேரா அலுவலகத்தில் இயந்திரங்களை நிறுவி, அச்சிடும் பணிகளைத் தொடங்கத் திட்டமிட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
