காதலர் தினத்தன்று அரங்கேறிய சோகம்: தவறான முடிவெடுத்து உயிர் துறந்த இளைஞன்

Sri Lanka Police Sri Lanka Police Investigation

By Kathirpriya Feb 15, 2024 06:10 AM GMT

Kathirpriya

in சமூகம்

Report

காதலியால் ஏற்பட்ட மனவேதனையால் தவறான முடிவெடுத்து இளைஞன் ஒருவர் உயிரிழந்துள்ளார்.

இறக்குவானையை சேர்ந்த 21 வயதுடைய சத்தியசீலன் அரவிந்த் பிரசாத் என்ற இளைஞனே இறக்குவானை பிரதேசத்தில் உள்ள அவரது வீட்டில் வைத்து சடலமாக மீட்கப்பட்டுள்ளார்.

மரண விசாரணை

உயிரிழந்த இளைஞனின் தாயார் வெளிநாட்டிலும் அவரது தந்தை கொழும்பிலும் பணியாற்றி வருகின்ற நிலையில், குறித்த இளைஞன் தனது இரு சகோதரிகளுடன் வீட்டில் வசித்து வந்த நிலையிலேயே நேற்றைய தினம் சடலமாக மீட்கப்பட்டுள்ளார்.

காதலர் தினத்தன்று அரங்கேறிய சோகம்: தவறான முடிவெடுத்து உயிர் துறந்த இளைஞன் | Velantines Day Tragedy In Sri Lanka

இளைஞனின் இந்த திடீர் மரணம் குறித்து அவரது உறவினர் ஒருவர் வாக்குமூலம் வழங்கியுள்ளனர்.

அதில், குறித்த இளைஞன், யுவதி ஒருவருடன் காதல் தொடர்பில் இருந்ததாகவும், சம்பவத்திற்கு முந்தினம் இரவு தனது காதலியுடன் தொலைபேசியில் நீண்ட நேரம் பேசிக் கொண்டிருந்ததாகவும் தெரிவித்துள்ளார்.

பிரேத பரிசோதனை

அந்த அழைப்பின் பின்னர் சகோதரர் சத்தமாக அழுததாகவும், நாளை காதலர் தினத்தை கொண்டாட இறக்குவானைக்கு வருமாறு தனது காதலியை இளைஞன் பலமுறை அழைப்பதை கேட்டதாகவும் அவரது சகோதரி இதன்போது கூறியிருந்தார்.

இறப்பதற்கு முன் குறித்த இளைஞன் தனது கையை பிளேடால் வெட்டிக் கொண்டதை மரண விசாரணை அதிகாரி அவதானித்துள்ளார்.

இந்த மரணம் தற்கொலை என தெரிவித்த மரண விசாரணை அதிகாரி, சடலத்தை பிரேத பரிசோதனைக்காக கஹவத்தை ஆதார வைத்தியசாலைக்கு அனுப்பி வைக்குமாறு மரண விசாரணை அதிகாரி உத்தரவிட்டுள்ளமை குறிப்பிடத்தக்கது.