யாழ்ப்பாணத்தில் வன்முறை கும்பல் அட்டகாசம் : இளைஞன் மீது தாக்குதல் : நகை, பணம் அபகரிப்பு (படங்கள்)

Sri Lanka Police Jaffna Sri Lanka Police Investigation

By Sumithiran Dec 07, 2023 07:18 PM GMT

Sumithiran

in குற்றம்

Report

யாழ்ப்பாணம் - கொடிகாமம் காவல்துறை பிரிவிற்குட்பட்ட வெள்ளாம்போக்கட்டி பகுதியில் நேற்று புதன்கிழமை வீதியால் சென்ற இளைஞன் மீது வன்முறைக் குழுவொன்று தாக்குதல் நடத்தியதுடன், குறித்த இளைஞனின் வீட்டிற்குச் சென்று பெறுமதியான உடமைகளை அடித்து நொருக்கியதுடன் வீட்டில் இருந்த நகை,பணம் போன்ற பெறுமதியான பொருட்களையும் திருடிச் சென்றுள்ளது.

இது தொடர்பாக மேலும் தெரியவருவதாவது;

தாக்குதலுக்கு இலக்கான இளைஞன்

தாக்குதலுக்கு இலக்கான இளைஞன் தனது நண்பனுடன் மோட்டார்சைக்கிளில் வீடு நோக்கிச் சென்ற போது வெள்ளாம்போக்கட்டி சீலன் வீதி பகுதியில் வைத்து வழிமறித்த குழுவொன்று இளைஞன் மீது கொலைவெறித் தாக்குதல் நடத்தியதுடன்-இளைஞன் பயணித்த மோட்டார் சைக்கிளையும் அடித்து சேதப்படுத்தியுள்ளது.

வீடு ஒன்றில் தஞ்சம் புகுந்த நிலையில்

மேற்படி குழுவின் தாக்குதலில் இருந்து தப்பித்து இளைஞன் அருகில் உள்ள வீடு ஒன்றில் தஞ்சம் புகுந்த நிலையில் வன்முறைக் கும்பல் அந்த வீட்டின் முன்பாக பொருத்தப்பட்டிருந்த பாதுகாப்புக் கமராக்களையும் அடித்து சேதப்படுத்தியுள்ளது.

யாழ்ப்பாணத்தில் வன்முறை கும்பல் அட்டகாசம் : இளைஞன் மீது தாக்குதல் : நகை, பணம் அபகரிப்பு (படங்கள்) | Violent Mob Rampage In Jaffna

நகை,பணம் திருட்டு

தொடர்ந்து வெள்ளாம்போக்கட்டி பகுதியில் உள்ள இளைஞனுடைய வீட்டிற்கு சென்று வெளிக்கதவு, கண்ணாடிகள்,தொலைக்காட்சி, குளிர்சாதனப்பெட்டி உள்ளிட்ட பெறுமதியான பொருட்களை அடித்து சேதப்படுத்தியதுடன்-வீட்டில் வைக்கப்பட்டிருந்த 7இலட்சம் ரூபாய் பணம் மற்றும் நகைகள் ஆகியவற்றையும் திருடிக் கொண்டு மேற்படி கும்பல் தப்பித்துள்ளது.