திடீர் காலநிலை மாற்றம் : உணவுத்தட்டுப்பாடு ஏற்படுமென எச்சரிக்கை
நாட்டில் ஏற்பட்டுள்ள திடீர் காலநிலை மாற்றத்தின் தாக்கத்தினால் உணவு தட்டுப்பாடு ஏற்படும் அபாயம் ஏற்பட்டுள்ளதாக விவசாய அமைச்சர் மஹிந்த அமரவீர தெரிவித்துள்ளார்.
உணவுப் பயிர்களின் உற்பத்தியை அதிகரிப்பதற்கான திட்டங்களை நடைமுறைப்படுத்துவது தொடர்பில் விவசாய அமைச்சில் இன்று (4) இடம்பெற்ற கலந்துரையாடலின் போதே அமைச்சர் இந்த எச்சரிக்கையை விடுத்துள்ளார்.
வரட்சியால் அழிவடைந்த நெற்செய்கை
அண்மைய நாட்களில் ஏற்பட்ட கடும் வரட்சி காரணமாக சுமார் 70,000 ஏக்கர் நெற்செய்கை அழிவடைந்துள்ளதாகவும், தற்போது பல மாகாணங்களில் பெய்து வரும் அடை மழை காரணமாக அறுவடைக்கு வரவிருந்த நூற்றுக்கணக்கான ஏக்கர் நெற்செய்கை பாதிக்கப்பட்டுள்ளதாகவும் அமைச்சர் தெரிவித்தார்.
மழையால் அழிவடைந்த மரக்கறிகள்
மழைகாரணமாக மலைநாட்டில் மரக்கறி பயிர்கள் அழிவடைந்துள்ளதாகவும், அம்பாந்தோட்டை மாவட்டத்தில் பயிரிடப்பட்டிருந்த 15,000 ஏக்கர் வெண்டைக்காய் பயிர்களும் முற்றாக அழிந்துள்ளதாகவும், நாட்டின் மொத்த வெண்டைக்காய் தேவையில் 40 வீதமானவை இவை எனவும் விவசாய அமைச்சர் குறிப்பிட்டுள்ளார்.
இதனால் உணவுத் தட்டுப்பாடு ஏற்படக் கூடிய சாத்தியக்கூறுகளை வலியுறுத்திய அமைச்சர், தோட்டங்களில் மரக்கறிகளை பயிரிடும் திட்டமும், இந்தப் பருவத்துக்கான உணவுப் பயிர்த் திட்டத்தையும் உடனடியாக நடைமுறைப்படுத்துமாறு விவசாயச் செயலாளர் குணதாச சமரசிங்கவுக்கு ஆலோசனை வழங்கினார்.
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021
எழுதுமட்டுவாள், மீசாலை சாவகச்சேரி, Kuala Lumpur, Malaysia
07 Nov, 2024
தாவடி, கொக்குவில் மேற்கு, கொழும்பு, அமெரிக்கா, United States, கனடா, Canada
09 Nov, 2023
