கோட்டாபய இராஜினாமா செய்தால்..! அரசியலமைப்பு கூறும் அடுத்த நடைமுறைகள்
கோட்டாபய இராஜினாமா செய்தால்
இலங்கை அரசியலமைப்பின் படி, கோட்டாபய ராஜபக்ச அரச தலைவர் பதவியை இராஜினாமா செய்யும் பட்சத்தில், புதிய அரச தலைவரை நாடாளுமன்றம் தெரிவு செய்யும் வரை ஒரு மாதத்திற்கும் குறைவான காலத்திற்கு ரணில் விக்ரமசிங்க தற்காலிக அரச தலைவராக பதவியேற்பார்.
பதவிக்காலம் முடிவதற்குள் அரச தலைவர் பதவி விலகினால் அரசியலமைப்பின் 40 ஆவது பிரிவில் குறிப்பிடப்பட்டுள்ளபடி ஒரு சிறப்பு நடைமுறை பின்பற்றப்பட வேண்டும்.
அரசியலமைப்பு கூறும் அடுத்த நடைமுறைகள்
இந்த நடைமுறையின் படி நாடாளுமன்றம் ஓர் அரச தலைவரை தெரிவு செய்ய வேண்டும்.
அரச தலைவர் பதவியை ராஜினாமா செய்தால், அவர் இராஜினாமா செய்த மூன்று நாட்களுக்குள் நாடாளுமன்றத்தை கூட்ட வேண்டும்.
நாடாளுமன்றம் கூட்டப்பட்ட பின் அரச தலைவரின் இராஜினாமா குறித்து நாடாளுமன்றத்தின் செயலாளர் நாயகம் நாடாளுமன்றத்திற்கு தெரிவிக்க வேண்டும்.
அத்துடன் வெற்றிடமாகவுள்ள அரச தலைவர் பதவிக்கான வேட்புமனுக்களை பெறுவதற்கான திகதியை நிர்ணயிக்க வேண்டும்.
ஒரே ஒரு நாடாளுமன்ற உறுப்பினர் மட்டுமே அரச தலைவர் பதவிக்கு பரிந்துரைக்கப்பட்டால், அந்த நபர் அந்த பதவிக்கு தேர்ந்தெடுக்கப்பட்டதாக செயலாளர் நாயகத்தால் அறிவிக்கப்படுவார்.
ஒன்றுக்கு மேற்பட்ட நபர்கள் பரிந்துரைக்கப்பட்டால், ரகசிய வாக்கெடுப்பு நடத்தப்பட்டு, அறுதிப் பெரும்பான்மை வாக்குகளால் தேர்ந்தெடுக்கப்பட வேண்டும்.
அரச தலைவர் தேர்தல்கள் சட்டத்தின் பிரகாரம் (எண். 2 இன் 1981) நாடாளுமன்றத்தால் புதிய அரச தலைவரை தேர்ந்தெடுப்பதற்கான நடைமுறைகளை பின்பற்ற வேண்டியது குறிப்பிடுகிறது.
புதிய அரச தலைவர் பதவியேற்கும் இடைப்பட்ட காலப்பகுதியில், தற்போதைய பிரதமர் பதில் அரச தலைவராக செயற்படுவார்.
இந்தக் காலகட்டத்தில், அமைச்சரவையின் அமைச்சர்களில் ஒருவர் பிரதமரின் அலுவலகத்தில் செயல்பட நியமிக்கப்படுவார்.
புதிதாக தேர்ந்தெடுக்கப்பட்ட அரச தலைவர் மீதமுள்ள காலத்திற்கு பதவியில் இருக்க முடியும்.
ரணிலின் அதிர்ஷ்டம்
கடந்த பொதுத் தேர்தலில் மிகக் குறைவான வாக்குகளைப் பெற்று, தனது கட்சிக்கு கிடைத்த தேசியப்பட்டியல் ஆசனத்தின் மூலம் நாடாமன்றம் சென்ற ரணில், ராஜபக்சர்கள் மீதான அதிருப்தி காரணமாக எழுந்த மக்கள் புரட்சியால் பிரதமர் பதவியை தனதாக்கிக் கொண்டார்.
அதே போலவே மீண்டும் ஏற்பட்ட மக்கள் எழுச்சி, கட்சித் தலைவர்களின் தீர்மானம், அரசியலமைப்பு ஏற்பாடுகளின் படி, ரணில் அரச தலைவர் ஆசனத்தை கைற்றும்வாய்ப்புகள் அதிகமாகவே உள்ளதாக கூறப்படுகிறது.
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
