ஏன் விசாரணைக்கு அழைக்கப்படவில்லை- நாடாளுமன்றில் எழுப்பப்பட்ட கேள்வி
நுகர்வோர் விவகார அதிகார சபையில் ஊழல் தொடர்பாக இரண்டு தீவிரமான கருத்துக்களை வெளியிட்ட முன்னாள் நிறைவேற்று பணிப்பாளர் துஷான் குணவர்தன(Dushan Gunawardena) ஏன் சிஐடி விசாரணைக்கு அழைக்கப்படவில்லை என ஐக்கிய மக்கள் சக்தியின் மாத்தறை மாவட்ட நாடாளுமன்ற உறுப்பினர் புத்திக பத்திரண (Buddhika Pathirana)நேற்று (04) நாடாளுமன்றத்தில் கேள்வி எழுப்பினார்.
வெள்ளைப்பூண்டு ஊழல் உள்ளிட்ட பெரிய அளவிலான மோசடிகள் குறித்து முன்னாள் பணிப்பாளரின் தீவிர வெளிப்பாடுகள் இருந்தபோதிலும், சி.ஐ.டி ஊடகவியலாளர்கள் உட்பட ஏனைய நபர்களிடம் விசாரணைகள் மேற்கொள்ளப்பட்டு வருவதாகவும், தகவல் உள்ள நபர் இதுவரை அழைக்கப்படவில்லை எனவும் நாடாளுமன்ற உறுப்பினர் தெரிவித்தார்.
துஷான் குணவர்தன மோசடி மற்றும் ஊழல் கோப்புகளை ஜனாதிபதியிடம் காட்டப் போவதாகவும், சிஐடி மோசடி பற்றிய தகவல்களைப் பெற அவரை இப்போது அழைக்க வேண்டும் என்றும் அவர் குறிப்பிட்டார்.
இதற்கு பதிலளித்த நுகர்வோர் விவகார அமைச்சர் லசந்த அழகியவன்ன, ( lasantha alakiyawanna)சிஐடியால் யாரை விசாரிக்க வேண்டும் என்பதை தன்னால் அல்லது அமைச்சால் முடிவு செய்ய முடியாது என்றும் எதிர்காலத்தில் தேவையான நடவடிக்கைகள் எடுக்கப்படும் என்றும் தெரிவித்தார்.
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
