மாணவர்களை இலக்கு வைத்து பெண்ணின் நூதனமான வியாபாரம் அம்பலம்
பாடசாலை மாணவர்களை இலக்கு வைத்து பெண்ணொருவர் மிகவும் நூதனமான முறையில் செய்து வந்த போதைப்பொருள் வியாபாரம் கண்டுபிடிக்கப்பட்டுள்ளது.
கொழும்பு-15 மட்டக்குளி பெர்குசன் வீதியிலுள்ள தனது வீட்டில் உள்ள அம்மிக்கல்லின் கீழ் இரகசியமாக தோண்டப்பட்ட குழிக்குள் மறைத்து வைத்து பாடசாலை மாணவர்களுக்கு போதைப்பொருள் விற்பனை செய்து வந்துள்ளார்.
ஆயிரத்திற்கும் மேற்பட்ட போதைப்பொருள் குளிசைகள்
சந்தேக நபரான அப் பெண்ணிடம் இருந்து 1310 போதைப்பொருள்கள் குளிசைகளை கைப்பற்றியுள்ளதாக கொழும்பு குற்றத் தடுப்புப்பிரிவினர் தெரிவித்தனர்.
பதில் காவல்துறை மாஅதிபர் தேஸ்பந்து தென்னகோனின் பணிப்புரையின் பேரில் சுற்றிவளைப்பு மேற்கொள்ளப்பட்டது.
பெண்ணின் வீட்டில் இந்தச் சுற்றிவளைப்பு
மேல் மாகாண ஊழல் ஒழிப்புப்பிரிவினருக்கு கிடைத்த தகவலின்படி அப் பெண்ணின் வீட்டில் இந்தச் சுற்றிவளைப்பு நடத்தப்பட்டுள்ளது. பாடசாலை மாணவர்கள் மற்றும் மேலதிக வகுப்புகளுக்குச் செல்வோருக்கு தலா நூறு ரூபாய்க்கு போதைப்பொருள் விற்பனை செய்து வருவது விசாரணைகளில் இருந்து தெரியவந்துள்ளது.
கைது செய்யப்பட்ட 56 வயதுடைய சந்தேகநபரான அந்தப் பெண்ணை நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளதாக காவல்துறையினர் தெரிவித்தனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள் |
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
