கிணற்றில் தவறி விழுந்து உயிரிழந்த இளம்பெண்! தமிழர் பகுதியில் நிகழ்ந்த சோகம்
வவுனியா, சமனங்குளம் பகுதியில் தோட்ட கிணற்றில் தவறி விழுந்து இளம் யுவதி ஒருவர் மரணமடைந்துள்ளதாக சிதம்பரபுரம் காவல்துறையினர் தெரிவித்துள்ளனர்.
குறித்த சம்பவமானது நேற்று(17) இடம்பெற்றுள்ளது.
உயிரிழந்த யுவதி கிணற்று மோட்டாரை போட்ட போது அதன் குழாய் கழன்றமையால் அதனை பூட்ட முயற்சித்த நிலையில் கிணற்றுக்குள் தவறி விழுந்துள்ளார்.
கிணற்றடி
தொடர்ந்து மோட்டர் இயங்கிக் கொண்டிருப்பதை அவதானித்த அயல் வீட்டார் கிணற்றடிக்கு சென்று பார்த்த போது யுவதி கிணற்றில் விழுந்து இருந்ததை அவதானித்துள்ளனர்.
இதனையடுத்து அயலவர்களின் உதவியுடன் யுவதியை மீட்டு வவுனியா வைத்தியசாலையில் அனுமதித்த போது அவர் மரணமடைந்து விட்டதாக வைத்தியர்கள் தெரிவித்துள்ளனர்.
விசாரணை
இந்த சம்பவத்தில் 24 வயதுடைய தவரூபன் லக்சிகா என்ற யுவதியே மரணமடைந்துள்ளார்.
இந்நிலையில் இந்த சம்பவம் தொடர்பில் மேலதிக விசாரணைகளை சிதம்பரபுரம் காவல்துறையினர் மேற்கொண்டு வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
