சுவிஸிலிருந்து வந்த பெண்மீது சரமாரி தாக்குதல் : பறிபோனது கோடிக்கணக்கான பணம்
மட்டக்களப்பு(batticaloa) காத்தான்குடி காவல்துறை பிரிவிலுள்ள கல்லடி பிரதேசத்தில் வீட்டில் தனிமையில் தங்கியிருந்த சுவிஸ்(swiss) நாட்டு பிரஜையான பெண் ஒருவரின் வீட்டின் கதவை நேற்று புதன்கிழமை(20) அதிகாலை 12.00 மணியளவில் உடைத்து உள்நுழைந்த கொள்ளையர்கள் பெண்ணை கடுமையாக தாக்கிவிட்டு அங்கிருந்து இரண்டு கோடி 40 லட்சம் ரூபாய் வெளிநாட்டு நாணயங்கள் மற்றும் ஒன்றேகால் பவுண் தங்கச்சங்கிலி 29 ஆயிரம் ரூபாய் இலங்கை நாணயம் என்பவற்றை கொள்ளையிட்டு தப்பி ஓடியள்ளதாக காத்தான்குடி காவல்துறையினர் தெரிவித்தனர்.
இது தொடர்பாக மேலும் தெரியவருவதாவது,
வீட்டில் தனிமையில் இருந்தவேளை சம்பவம்
கல்லடி பேபிசிங்கம் வீதியைச் சேர்ந்த 62 வயதுடைய சுப்பையாபிள்ளை கோணேஸ்வரி 1990 ஆம் ஆண்டு குடும்பத்துடன் இடம்பெயர்ந்து சுவிஸ் நாட்டுக்குச் சென்று குடியேறி அங்கு தாதியாகவும் கணவன் பொறியலாளராகவும் மகள் விஞ்ஞானியாகவும் பணியாற்றிவருகின்ற நிலையில் அவர் தாதிய சேவையிலிருந்து ஓய்வு பெற்றுள்ள நிலையில் இலங்கையிலுள்ள தனது வீட்டை பார்ப்பதற்காக இலங்கைக்கு திரும்பி வந்து வீட்டில் தற்காலிகமாக தனிமையில் தங்கியிருந்துள்ளார்.
இந்த நிலையில் சம்பவதினமான நேற்று அதிகாலை 12 மணியளவில் வீட்டின் குளியலறை பகுதி யன்னல் கதவை உடைத்து உள்நுழைந்த திருடர்கள், அவரை சரமாரியாக தாக்கிவிட்டு அங்கிருந்த அலுமாரியை உடைத்து 72 ஆயிரம் சுவிஸ் பிராங் (இலங்கை நாணயம் இரண்டு கோடி 40 லட்சம்) மற்றும் ஒன்றேகால் பவுண் தங்க சங்கிலி 29 ரூபாய் ஆயிரம் ரூபாய் இலங்கை நாணயம் என்பவற்றை கொள்ளையிட்டு தப்பி ஓடியுள்ளதாக காவல்துறையின் ஆரம்ப கட்டவிசாரணையில் தெரியவந்துள்ளது.
காவல்துறையினர் விசாரணை
இதனையடுத்து சம்பவ இடத்துக்கு காத்தான்குடி காவல் நிலைய குற்றத்தடுப்பு பொறுப்பதிகாரி சப்இன்பெஸ்டர் .ஏ.எம்.எஸ்.ஏ.றஹீம் தலைமையில சென்ற காவல்துறையினர் தடயவியல் பிரிவு மற்றும் மோப்பநாய் வரவழைக்கப்பட்டு விசாரணைகளை மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
