பாரிய சரிவை கண்ட எலான் மஸ்க்! முதலிடத்தில் திடீர் மாற்றம்

Elon Musk Tesla World

By Eunice Ruth Jan 29, 2024 04:46 PM GMT

Eunice Ruth

in உலகம்

Report

உலகின் பணக்காரர்கள் பட்டியலின் முதலிடத்தில் இருந்த எலான் மஸ்க், தற்போது அந்த இடத்தை இழந்துள்ளார்.

இதன்படி, பிரான்ஸ் தொழிலதிபர் பெர்னார்ட் அர்னால்ட் உலகின் பணக்காரர்கள் பட்டியலில் முதலிடத்தை பிடித்துள்ளார்.

உலகப் பொருளாதாரம்

உலகப் பொருளாதாரம் சரிவை நோக்கிச் சென்று கொண்டிருப்பதாக பொருளாதார வல்லுநர்கள் எச்சரித்து வருகின்றனர்.

இதன் காரணமாக, பெரு நிறுவனங்கள் ஆட் குறைப்பு நடவடிக்கையை தொடங்கியுள்ளது.

பாரிய சரிவை கண்ட எலான் மஸ்க்! முதலிடத்தில் திடீர் மாற்றம் | World Richest Person Elon Musk Tesla Louis Vuitton

பிரெஞ்சு தொழிலதிபர் பெர்னார்ட் அர்னால்ட், டெஸ்லா நிறுவனத்தின் தலைமை செயல் அதிகாரி எலான் மஸ்க் உலக பணக்காரர்கள் பட்டியலில் மாறி மாறி முதல் இடம் பிடித்து வருகின்றனர்.

இந்த நிலையில், பணக்காரர் பட்டியலில் கடந்த ஆண்டு முதலிடத்தில் இருந்த எலான் மஸ்க்கை பிரெஞ்சு தொழிலதிபர் பெர்னார்ட் அர்னால்ட் பின்னுக்கு தள்ளி இந்த ஆண்டில் முதலிடத்தை பிடித்திருக்கிறார்.

எலான் மஸ்க்

உலகின் மிகப்பெரிய பணக்காரர்களில் ஒருவரான எலான் மஸ்க் தலைமையில் டெஸ்லா, ஸ்பேஸ் எக்ஸ், நியூராலிங்க், எக்ஸ் தளம் ஆகிய நிறுவனங்கள் செயல்பட்டு வருகிறது.

கடந்த ஆண்டு உலகின் பணக்காரர்களில் பட்டியலில் முதலிடத்தில் இருந்த எலான் மஸ்க் தற்போது இரண்டாம் இடத்திற்கு தள்ளப்பட்டுள்ளார்.

இதன்படி, டெஸ்லாவின் தலைமை நிர்வாக அதிகாரி எலான் மஸ்கின் நிகர மதிப்பு 204.7 பில்லியன் டொலர்களாக பதிவாகியுள்ளது.

பெர்னார்ட் அர்னால்ட்

தற்போது பணக்காரர்களில் பட்டியலில் முதல் இடத்தில் பிரெஞ்ச் தொழிலதிபர் பெர்னார்ட் அர்னால்ட் உள்ளார்.

எனவே, அர்னால்ட் மற்றும் அவரது குடும்பத்தின் நிகர மதிப்பு 207.8 பில்லியன் டொலராக உயர்ந்துள்ளது.

இதனால், உலகின் பணக்காரர் பட்டியலில் எலான் மஸ்க்கை இரண்டாம் இடத்துக்கு தள்ளி, பெர்னார்ட் அர்னால்ட் முதலிடத்தை கைப்பற்றியுள்ளார்.

முகேஷ் அம்பானி - கௌதம் அதானி

இதேவேளை, ரிலையன்ஸ் நிறுவனத்தின் தலைவர் முகேஷ் அம்பானி இந்த பட்டியலில் 11 ஆம் இடத்தையும், அதானி குழுமத்தின் தலைவர் கௌதம் அதானி 16 ஆம் இடத்தையும் பிடித்துள்ளனர்.